Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэл бэлтгэн хүргэдэг Барилга МН сэтгүүлийн 6-р сарын дугаар хэвлэгдэн гарлаа. 

Энэ сарын дугаарын нүүр хуудсанд Сити Палас Глобал ХХК хамтран ажиллалаа. 

 181 дэх дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн VIP ярилцлагын зочин хоймортоо УИХ-ын гишүүн Г.Лувсанжамцыг урьж ярилцлаа. Тэрбээр Японы Токиогийн их сургуульд хот төлөвлөлтийн инженер чиглэлээр магистр, докторын зэрэг хамгаалсан бөгөөд мэргэжлээрээ олон улсын туршлага хуримтлуулсан нэгэн юм. Түүний баримталж буй зарчим нь мэргэжилтэн төвтэй, зөвлөх үйлчилгээнд суурилсан эрх зүйн орчин бүрдүүлэх, хот төлөвлөлт, утаа, түгжрэлийн асуудлыг олон улсын туршлага, шинжлэх ухаанд суурилсан шийдлээр зохицуулахыг зорьж байгаа юм. 

 НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Төвхөн хийдийн Сэмчин, Лаврин сүм болон Лусын дуган” VI хэсгийг хүргэж байна. 

АРХИТЕКТУР ДИЗАЙН: 

Метроны шугам дээр шууд холбогдон баригдсан барилга олон жлм оронд цөөнгүй бий. Ийм барилгуудыг “Transit- Oriented Development” (TOD) буюу нийтийн тээвэрт тулгуурласан хөгжил гэж нэрлэдэг. Энэ эт хот төлөвлөлт, архитектур дизайн, инженерчлэлийн хувьд хөгжингүй хотуудын гол стратегийн нэг болж байна. Үүний нэг тод жишээ нь Бээжингийн төвд сүндэрлэх Leeza SOHO юм. Уг барилга нь зөвхөн өндөр оффисын барилга биш уран барилгын ур чадвар, инженерчлэлийн дэвшлийн илэрхийлэл юм. 

 СУДАЛГАА

Барилгын салбар нь Монгол Улсын эдийн засгийн гол тулгуурын нэг бөгөөд дэд бүтэц, орон сууц, нийтийн барилга байгууламжийн бүтээн байгуулалтаар хөгжлийн дэмждэг. Гэвч уг салбарт түр зуурын, улирлын шинжтэй, богино хугацааны гэрээт ажлын байр давамгайлж байгаа нь ажилчдын тогтвортой хөдөлмөр эрхлэлт, урт хугацааны карьер төлөвлөлтөд сөргөөр нөлөөлж байна гэж үзэж байна. Барилгын салбар дахь ажлын байрны тогтвортой байдал судалгааг Барилга МН сэтгүүлийн 181 дэх дугаараас уншаарай.   

ТОДРУУЛГА

Нийслэл Улаанбаатар хотын нутаг дэвсгэрийг 14 хот болгон хуваах, аймгийн төв болон дагуул хотуудыг орон нутаг, улсын зэрэглэл бүхий хот болгон өөрчлөх шийдвэрийн хүрээнд  Дархан, Эрдэнэт, Зуунмод, Хархорум, Багануур, Налайх гэсэн улсын зэрэглэлтэй 6 хот, орон нутгийн зэрэглэлтэй 43 хотоос 14 нь, дагуул дөрвөн хотоос гурав нь нийслэлийн нутаг дэвсгэрт байгуулах аж. Уг асуудлаар хот төлөвлөлт, хотын нягтаршил болон бүтээн цогцлоосон хотыг ийн хуваах олон улсын туршлагын талаар ШУТИС- ийн Хот төлөвлөлтийн тэнхимийн багш, доктор Э. Пүрэв-Эрдэнээс тодрууллаа. 

АОС

“Амины орон сууц” каталогт багтсан эрчим хүчний хэмнэлттэй шилдэг 100 загвараас сорчлон Канад технологи буюу Сип хавтангаар төлөвлөсөн модон арагт бүтээцтэй 78 м2 жишиг амины орон сууцны мэдээллийг хүргэж байна. 

ТА ЧАДНА 

Ногоон байгууламж нь үл хөдлөх хөрөнгийн үнэ цэнийг урт хугацаанд нэмэгдүүлэх суурь ойлголтуудын нэг болдог. Өөрийн өмчийн газартаа гольфын жижиг талбайтай болцгооё. 

МИНИЙ ТҮҮХ

Цахим орчинд “Барилгачин гэр бүл” хуудсаар танил болсон Б.Нямцогт, Н.Солонго нарын ажил амьдралын түүхийг хуваалцаж байна.  

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

ОНЛАЙНААР УНШИХ

Утас: 9100-0233, 7711-3333