Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэл бэлтгэн хүргэдэг Барилга МН сэтгүүлийн 6-р сарын дугаар хэвлэгдэн гарлаа. 

Энэ сарын дугаарын нүүр хуудсанд Сити Палас Глобал ХХК хамтран ажиллалаа. 

 181 дэх дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн VIP ярилцлагын зочин хоймортоо УИХ-ын гишүүн Г.Лувсанжамцыг урьж ярилцлаа. 

 НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Төвхөн хийдийн Сэмчин, Лаврин сүм болон Лусын дуган” VI хэсгийг хүргэж байна. 

ТӨЛӨВ БАЙДАЛ

Манай улсын нийт хүн амын 62 хувь буюу 1.5 сая иргэн хөдөлмөрийн насны иргэд байна. Тэгвэл нийт хөдөлмөрийн насны иргэдийн хэдэн хувь нь барилгын салбарт ажиллаж буй, нийт ажиллагчдын хүйсийн харьцаа болон их дээд сургууль, мэргэжил сургалт үйлдвэрлэлийн байгууллагуудад жилд хэдэн суралцагч барилгын чиглэлийн мэргэжил эзэмшин төгсдөг зэрэг барилгын салбарын хөдөлмөрийн зах зээлийн өнөөгийн байдлын талаарх судалгааг уншина уу. 

АРХИТЕКТУР ДИЗАЙН: 

 “Transit- Oriented Development” (TOD) буюу нийтийн тээвэрт тулгуурласан хөгжилийн нэг тод жишээ болсон Бээжин хотын төвд сүндэрлэх Leeza SOHO уран барилгын ур чадвар, инженерчлэлийн дэвшлийн талаар хүргэж байна. 

 СУДАЛГАА

Барилгын салбарт түр зуурын, улирлын шинжтэй, богино хугацааны гэрээт ажлын байр давамгайлж байгаа нь ажилчдын тогтвортой хөдөлмөр эрхлэлт, урт хугацааны карьер төлөвлөлтөд сөргөөр нөлөөлж байна гэж үзэж байна. Барилгын салбар дахь ажлын байрны тогтвортой байдал судалгааг Барилга МН сэтгүүлийн 181 дэх дугаараас уншаарай.   

ТОДРУУЛГА

Нийслэл Улаанбаатар хотын нутаг дэвсгэрийг 14 хот болгон хуваах асуудлаар хот төлөвлөлт, хотын нягтаршил болон бүтээн цогцлоосон хотыг ийн хуваах олон улсын туршлагын талаар ШУТИС- ийн Хот төлөвлөлтийн тэнхимийн багш, доктор Э. Пүрэв-Эрдэнээс тодрууллаа. 

АОС

“Амины орон сууц” каталогт багтсан эрчим хүчний хэмнэлттэй шилдэг 100 загвараас сорчлон Канад технологи буюу Сип хавтангаар төлөвлөсөн модон арагт бүтээцтэй 78 м2 жишиг амины орон сууцны мэдээллийг хүргэж байна. 

ТА ЧАДНА 

Ногоон байгууламж нь үл хөдлөх хөрөнгийн үнэ цэнийг урт хугацаанд нэмэгдүүлэх суурь ойлголтуудын нэг болдог. Өөрийн өмчийн газартаа гольфийн жижиг талбайтай болцгооё. 

МИНИЙ ТҮҮХ

Цахим орчинд “Барилгачин гэр бүл” хуудсаар танил болсон Б.Нямцогт, Н.Солонго нарын ажил амьдралын түүхийг хуваалцаж байна.  

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Утас: 9100-0233, 7711-3333