Хөөсрүүлсэн перлит- энэ бол нэгэн төрлийн экологийн цэвэр материал. Түүнийг галт уулын хөнгөн цагаант царууцын төрлийн чулуулгийг дулааны боловсруулалт хийх замаар үйлдвэрлэнэ. Өөрийн сүвэрхэг бүтцээрээ перлит нь өндөр үр ашиг бүхий дулаан болон дуу тусгаарлагч материал болдог ба түүний дулаан тусгаарлалтын итгэлцүүр нь 0,04 Вт/м0С байна. Хөөсрүүлсэн перлит нь амьсгалах чадвартайгаас гадна галд тэсвэртэй, биологийн тогтвортой, химийн урвалжид ордоггүй. Перлитыг -2000С-ээс +8750C-ийн температурын хязгаарт дулаан тусгаарлах зориулалтаар хэрэглэх боломжтой.
Перлитийн давуу шинж чанар:
• Аюулгүй байдал. Перлит хүнд аюулгүй, харшил үзүүлдэггүй, тасалгааны агаарт сөрөг нөлөө үзүүлэхгүй.
• Урсамтгай чанар. Энэ чанар нь перлитэн зуурмаг өргийн заадас, зай завсрыг бүрэн дүүргэх боломж олгоно. Ийм учраас хатуу дулаалганд байдаг тууш тусгаарлалтын асуудал перлит хэрэглэснээр шийдэгдэж байгаа юм.
• Органик бус чанар. Перлит нь өөрийн гарал үүслээрээ галт уулын шил учир ямар нэг ялзралд ороогүй, шавьж хортон үржих боломжгүй.
• Шатдаггүй. Түүний хайлах температур 1100-12000С байдаг тул шатамхай бус, халах үедээ хортой ялгаруулалт үүсгэдэггүй ба хөөсрүүлсэн перлит нь түүгээр хийсэн бүтээц, эдлэхүүний галд тэсвэршлийг хэд дахин нэмэгдүүлнэ.
• Дуу тусгаарлалт. Перлитийн сүвэрхэг болон урсамтгай шинж чанарууд нь түүнийг дуу тусгаарлах үр ашигтай материал болгон ашиглах боломжийг олгож байгаа юм. Перлитийн үрлийн тэгш бус хэлбэр нь тэдгээрийг бие биедээ нягт ойртон нягтрах боломж олгох ба энэ нь хана ба хучилтаар дууны долгион дамжилтийг багасгана.
• Аривлан хэмнэлт. Хөөсөн перлитэн дулаалга нь маш сайн дулаан тусгаарлах ба галд тэсвэрлэх шинж чанарыг хангадаг. Перлит нь маш хөнгөн, өргийн шаардлагатай хөндий зай, завсрыг богино хугацаанд дүүргэдэг, өрөгт тусгай зориулалтын төхөөрөмж ажлын дадал туршлага шаардахгүй онцлогтой.
• Удаан эдлэгдэх чанар. Перлитэн дулаалга эдэлгээний явцад шинж чанараа алдахгүй дулаан хамгааллын бүрхүүл, ханын өргийн зай завсар ба өргийн гулдмайд суулт үүсгэхгүй.
Перлитийн хэрэглээ
• Барилгын салбар- барилгын материал ба хольцонд, тухайлвал шавардлага, өргийн зуурмаг, хөнгөн бетон, будаг, тусгаарлалтын хавтгаалж зэрэгт жижиг ширхэгийн дүүргэгч байдлаар, барилгын ажилд дулаан тусгаарлах бие даасан асгаасан дулаалга болгон ашиглана.
• Хөдөө аж ахуй- перлитийг шаварлаг хүнд хөрсний бүтэц, агаар солилцооны шинж чанарыг дээшлүүлэх хөнгөн элсэн хөрсний чийгний агууламжийг нэмэгдүүлэх боломж олгоно. Перлит нь саармаг концентрацтай учир хөрсний хүчиллэгийг багасгах ба мөн хөрсний давсжилтыг зогсоох үйлчилгээтэй. Газар тариалангийн перлит нь тариалалтын үр бэлтгэхэд үндсэн үүрэг гүйцэтгэнэ.
• Металлын салбар- хайлшийн шанага болон цутгалтын хэвэнд үүсэх толийг тусгаарлах зориулалтаар перлитийг ашиглана.
• Эрүүл мэнд, хүнс, нефте боловсруулах үйлдвэрийн салбарт перлитийг төрөл бүрийн шүүлтүүрийн зориулалтаар, ургамалын болон техникийн тос, сахарын сироп, жимсний шүүс, шар айраг, эмийн бодисыг шүүх, цэвэршүүлэх үйл ажиллагаанд ашиглана.
• Экологи- ослын нөхцөл байдлаар асгарсан нефтийн бүтээгдэхүүний бохирдлыг арилгахад шингээгч болгон ашиглана.
• Кирогены төхөөрөг- (-2000С)-ийн нам температурын нөхцөлд дулаан тусгаарлалт болгон хэрэглэнэ.
• Хий ба нефтийн үйлдвэрийн салбарт- нефть ба хийн цооногуудын бэхэлгээний зориулалтаар хэрэглэх тампонаж цементэнд хөнгөрүүлэгч нэмэлт болгон хэрэглэнэ.
Та бүхэнд дараах маркийн перлитийг санал болгож байна.
Асгаасан нягтын марк, кг/м3 75-100
Бат бэхийн марк, МПа 0,1
Дулаан дамжуулалтын итгэлцүүр,Вт/м0С 0,052
Энэ маркийн перлитээр Та төрөл бүрийн зуурмаг ,гадна хананы шавардлага, дулаалгын хавтан , перлитэн гулдмай ,шалны тэгшилгээ болон дулаалганд , дээврийн хөндийн дулаалганд ,газар тариаланд , хүнсний үйлдвэрт дээд зэргийн шүүлтүр хэлбэрээр бүрэн ашиглах боломжтой.
Бидний үйлдвэрлэж буй бүх бүтээгдэхүүний түүхий эд нь 100 % байгалийн гаралтай экологийн цэвэр бүтээгдхүүн юм.