MARAZZI Плита

2019-11-06
 
 

 Компанийн түүх:

Marazzi Групп нь керамик плитаны үйлдвэрлэл, дизайн, худалдааны салбарт дэлхийн тэргүүлэгч, хамгийн том компаниудын нэг юм.

1935 онд байгуулагдсанаасаа хойш олон зуун шинэ санаа, шинэ бүтээгдэхүүн, мөн түүнчлэн шинэ технологи санаачилж, дэлхийн өнцөг булан бүрд өдрөөс өдөрт өргөжин тэлж байгаа салбар компаниудынхаа ачаар Marazzi Групп нь Итали дахь олон улсын хамгийн том компани болж чадсан.

Marazzi Групп нь одоогийн байдлаар Итали, Испани, Франц, Орос, АНУ зэрэг орнуудад өөрийн гэсэн үйлдвэртэй бөгөөд тэдгээрийн худалдааны салбар нэгж, загварын өрөөнд  нийтдээ 6000 гаруй ажилчин ажилладаг. Эдгээр үйлдвэрээсээ шууд болон Орос, АНУ, Хятад зэрэг бусад орнууд дахь 14500 гаруй дистрибьютор-оороо дамжуулан дэлхийн 130 гаруй орны бөөний төвүүд болон мэргэжсэн салбар нэгж, хувь хүмүүст бүтээгдэхүүнээ нийлүүлдэг.

Бүтээгдэхүүний төрөл:

Тус Групп нь 100 гаран нэр төрлийн талстжуулсан шаазан, чулуугаар хийдэг төрөл бүрийн плитанууд, шилэн мозайк, гантиг, боржин болон бусад байгалийн чулуун бүтээгдэхүүнүүд  үйлдвэрлэдэг.

Талстжуулсан шаазан гэдэг нь шинэ түүхий эд ашиглан гаргаж авсан ,  маш өндөр чанарын керамикаар хийсэн,  байгальд ээлтэй, шинэлэг бүтээгдэхүүн бөгөөд энэхүү шинэ түүхий эдийг хэрэглэснээр гадаргуу нь маш өнгөлөг, тод болох бөгөөд техникийн талаасаа халтирч гулгахгүй, цэвэрлэхэд хялбар, юманд амархан зурагдахгүй чанартай болдог байна. Энэхүү технологиор хийсэн плита нь дотор болон гадна шал, хана, мөн түүнчлэн машин тэрэг их  явдаг олон нийтийн газрууд буюу зочид буудал, корридор, нисэх онгоцны газар, дэлгүүр, оффис, үзүэсгэлэнгийн танхимыг тохижуулахад тохирно.