РОСЕР - налуу дээврийн хучилтын шинэ үеийн материал

2019-11-06
РОСЕР - налуу дээврийн хучилтын шинэ үеийн материал
 
 
Энэхүү дээврийн хучилтын хавтан нь өндөр чанарын ган листыг хоёр талаас нь хөнгөн цагаан (55%), цайр (43.4%), кремни (1.6%) тус тус найрлаганд нь орсон хайлшаар хучилт хийж зэврэлтээс хамгаалсан ба гадна талыг давхар базальт чулуулгийн үйрмэгээр хучиж дээврийн өнгө гандлыг бууруулж, дуу чимээг намсгаж өгсөн олон давхраат хамгийн сүүлийн үеийн технологиор хийсэн бүтээгдэхүүн юм.

Түүний давуу тал зөвхөн шинэ технологидоо ч байгаа биш. Энэхүү дээврийн хучилтын хавтан нь өөрийн өвөрмөц, энгийн мэт атлаа цэмцгэр гоёмсог төрхтэй ба иж бүрдэл сайтай бас гайхамшигтай тохилог төрхийг бий болгож чаддагаараа онцлог. Росер фирмийн үйлдвэрлэгчид шинэ үеийн технологийн ололтыг ашшлахаас гадна олон зуун жил дамжин ирсэн уламжлалт дээврийн өнгө, хэлбэрийг хадгалсан SPANY, тансаг вааран хэлбэртэй дээвэр CLEO загварын шинэ цувралуудыг хэрэглэгч олондоо өргөн барьж байна. Энэхүү дээврийн хучилтын хавтан нь барууны орнуудад моодны элит бүтээгдэхүүн болж өргөнөөр хэрэглэгдэж эхэллээ. Өөрийн хэрэглээний давтагдашгүй чанараараа таны байшинг байгалийн хур тунадаснаас найдвартай хамгаалж, архитектурын гоёмсог төрхийг бий болгон та энэ дээврийн материалыг сонгосондоо үргэлж сэтгэл хангалуун байх болно.

Хэрэглэгдэх хүрээ:

Нэг болон олон давхар хувийн сууц, зуслангийн байшин, хаус, хуучин барилгыг сэргээн шинээр дээвэрлэх 12-90 градусын налуутай бүх төрлийн дээвэр

РОСЕР бол:

Удаан жилийн эдэлгээ: Зэврэлтээс хамгаалсан онцгой найрлага бүхий хучилттай учраас хэзээ ч зэврэхгүй. Ийм бүрхүүл нь 50 жилийн эдэлгээтэй. Байгалийн цаг уурын ямар ч нөхцөлд зохицсон. Хэт улаан туяаны нөлөөнд тэсвэртэй, эдэлгээний бүхий л хугацаанд өнгөө алдахгүй.

Найдвартай чанар: Олон давхраат бүтэц нь ердийн дээврийн хучилтын материалаас бөх бат чанарыг бий болгосон. Хугарахгүй бас зурагдахгүй. Хавтангийн хэмжээ нь түүний механик ачаалал даах чадварыг нэмэгдүүлсэн. Хүчтэй салхи, их цас уналтыг түүний нэмэлт дагалдах хэрэгслүүд даван гарах чадвартай.

Аюулгүй байдал: Галд хамгийн тэсвэртэй, хавтангуудын хувийн жин хөнгөн, бэхэлгээ найдвартай тул хийсэх, унах магадлал багатай. Байгальд хор нөлөөгүй бүтээгдэхүүн.

Менежертэй холбогдох