Монгол Улсад барилгын салбар үүсч хөгжсөний 91 жилийн ойн баярыг 2017 оны 9 дүгээр сарын 8-ны өдөр тэмдэглэн өнгөрүүлэхээр Барилга, хот байгуулалтын яам, Барилгын хөгжлийн төв болон салбарын төрийн бус байгууллагуудын хамтарсан ажлын хэсэг байгуулагдан ажиллаж байна.

  Барилгачдын баяраар 2017 онд ажил үйлсээрээ салбартаа тэргүүлсэн оны шилдэг арван аж ахуйн нэгж, байгууллагыг шалгаруулж, туг далбааг нь Барилгачдын талбайд бүтэн жилийн турш өргөн мандуулж, алдаршуулдаг уламжлалтай.

  Энэ удаагийн сонгон шалгаруулалтыг БХБСайдын 2017 оны 136 дугаар тушаалаар баталсан “Барилгын салбарын оны шилдэг байгууллага, аж ахуйн нэгж шалгаруулах журам”-ын дагуу хүлээн авна.

  Иймд “Оны шилдэг байгууллага, аж ахуйн нэгж”-д нэр дэвших хүсэлтэй аж ахуй нэгж, байгуулалгын материалыг 2017 оны 8 дугаар сарын 30-ны өдрийн 17 цаг 30 минут хүртэл Барилгын хөгжлийн төвийн нэг цэгт хүлээн авах тул та бүхэнийг материалаа ирүүлэхийг урьж байна.

Жич: Дэлгэрэнгүй мэдээллийг Барилгын хөгжлийн төвийн Барилга, барилгын материалын үйлдвэрлэлийн хэлтэс болон www.barilga.gov.mn цахим хуудснаас авна уу. 

Холбоо барих утас: 320974, 70115055