​Хэдэн мянган ундааны саваар цамхаг байгуулжээ

​Хэдэн мянган ундааны саваар цамхаг байгуулжээ
  Дэлхий даяар цаг минут тутамд хэдэн саяараа зарагдаж байдаг ундааны савыг үр дүнтэйгээр ашиглах гайхалтай санааг Өмнөд Африкчууд хэрэгжүүлжээ. Тэд нэгхэн удаа хэрэглэгдээд хаягддаг тэрхүү хуванцар савнуудаар өндөр цамхаг босгохоор болсон байна.

  2021 он гэхэд ундааны хуванцар савны жилийн хэрэглээ хагас триллионд хүрнэ гэсэн тоо баримт байдаг аж. Ийнхүү хуванцар савны хэрэглээ хэт нэмэгдэж, байгаль орчинд ихээхэн хор нөлөө үзүүлж буй энэ үед Өмнөд Африкийн нэгэн уран бүтээлч түүгээр цамхаг барих санааг гаргасан байна.



  Тэрээр 7,000 хуванцар саваар 20 метр өндөр цамхаг барьжээ. Орон нутгийн байгууллагуудтай хамтран байгуулсан уг барилгыг Иоханнесбург хотын Тройвилл суурингийн бэлгэдэл болгон “iThemba” цамхаг  хэмээн нэрийджээ.



  Уран бүтээлчийн энэхүү хуванцар цамхгийн загварыг гаргахад орон нутгийн байгууллагууд ч мөн санаагаа тусгасан байна. Энэ нь итгэл найдвар, мөрөөдлийн бэлгэ тэмдэг юм. Өмнөд Африкийн хэмжээнд цаг тутамд 250,000 хуванцар сав хаягддаг аж. Үүнээс нэг хуванцар сав л газрын хөрсөнд шингэхдээ 700 жилийн хугацаа шаарддаг гэнэ



 
 

 

Холбоотой мэдээ