Жил бүрийн намрын улиралд зохион байгуулагддаг барилгын салбарын хамгийн том үзэсгэлэн яармаг “БАРИЛГА, ОРОН СУУЦ 2017” яг одоо Мишээл экспо төвд үргэлжилж байна.

  Монгол Улсад Барилгын салбар үүсч хөгжсөний 91 жилийн ойн баярын хүрээнд болж буй уг үзэсгэлэн яармагт барилгын материал үйлдвэрлэгч, импортлогч, шинэ орон сууцны төсөл хэрэгжүүлэгчид, үл хөдлөх хөрөнгийн борлуулагчид, дэвшилтэт технологи нэвтрүүлэгчид гээд 130 гаруй компани оролцож байгаа юм. Оролцогч компаниудын зүгээс ипотек болон банкны, компанийн зээлд хамрагдах боломжтой орон сууцнуудыг худалдан авагчдад санал болгож, төлбөрийн маш уян хатан нөхцөлүүдийг тавьж байна.

“БАРИЛГА, ОРОН СУУЦ 2017”  үзэсгэлэн яармагт хүрэлцэн ирснээр та бүхэн:

  Үзэсгэлэнд стандарт, стандарт сайн, тансаг зэрэглэлийн 50 гаруй орон сууцны төслүүд оролцож байгаагаас шинэ орон сууцны төсөл хэрэгжүүлэгч “Номин констракшн девелопмент групп”, “Орчлон констракшн”, “Алтай констракшн”, “Тэсо констракшн”, “Хангарьд Пропертийз”, “Монкон Пропертийз” зэрэг шилдэг бүтээн байгуулагчид орон сууцаа төлбөрийн уян хатан нөхцөл, зээл, урамшуулалтайгаар худалдан авах боломжийг олгож байна. Үүнээс хамгийн хямд нь “Орчлон констракшн”-ны Орчлон хорооллын 10-р ээлжийн орон сууц 1,550,000 төгрөг, “Бүргэд констракшн”-ны Өндөр Хөтөл апартмент 1,450,000-1,580,000 төгрөгийн үнэтэй байгаа юм.

  Харин байр зээлээр авахаар сонирхож буй иргэдэд Голомт болон Улаанбаатар хотын банкны ажилтнууд ипотекийн найман хувийн зээл, бусад үйлчилгээгээ танилцуулах болно.

 “БАРИЛГА, ОРОН СУУЦ 2017” үзэсгэлэн яармаг Мишээл экспо төвд өнөөдөр, маргааш хоёрхон өдөр үргэлжлэх тул та бүхнийг хүрэлцэн ирэхийг урьж байна.

Холбоо барих: 99907814, 99907816