Үл хөдлөх хөрөнгө зуучлагчдын холбоо болон “REMM” төвийн хамран зохион байгуулсан мэргэжлийн Реалтор бэлтгэх анхан шатны сургалт болов. Сургалт хоёр өдрийн турш зохион байгуулагдсан бөгөөд үл хөдлөх хөрөнгийн чиглэлээр борлуулалт хийдэг хувь хүн, аж ахуйн нэгжийн реалторуудад мэдвэл зохих цогц мэдээллийг олгосон юм.

Хичээлийн агуулгад, ҮХХ-ийн менежментийн үндсэн ойлголт, реалторын харилцаа, имидж, ёс зүй, ҮХХ-ийн гэрээний эрх зүй, борлуулалт, барилга, инженерийн зураг уншиж ойлгох чадвар, интернет маркетинг, ҮХХ-ийн Улсын бүртгэлийн газарт хийгдэх шилжүүлгийн процесс зэргийг салбартаа хэдийн хөлөө олсон нэр хүндтэй мэргэжилтэн, багш нар заасан юм.