Барилгын салбарын мэдээлэл, зөвлөгөөг олон нийтэд хүргэх, барилгын ажилчдад болон гүйцэтгэгчдэд ажил олоход нь туслах, үндэсний үйлдвэрлэгчдийн барилгын материал бүтээгдэхүүнийг тээвэр ложистик, хөдөлмөр зууч, сургалт, оператор, зөвлөх болон санхүүгийн үйлчилгээ зэргийг нэг дор төвлөрүүлсэн “Барилгачин” нэг цэгийн үйлчилгээ өнөөдөр Мишээл Барилгын их дэлгүүрт нээлтээ хийлээ.    
 

Нээлтийн үйл ажиллагаанд “Барилгачин” нэг цэгийн үйлчилгээг дэмжигч, байнгийн хамтран ажиллагч БХБЯ, БХТ, МБХ, МБҮА, МБИХ, “Барилгачин групп” ХХК, Мишээл Барилгын их дэлгүүр, Барилга.МН, Орон Сууцны Бирж болон компаниудын төлөөллүүд оролцлоо.
 

Ийнхүү барилгын цогц үйлчилгээ нээгдэж, барилга, амины орон сууц барих иргэд, байгууллагууд мэргэжлийн мэдээлэл зөвлөгөө авч, зураг төсвөө гаргуулах, гүйцэтгэгчээ сонгох, үндэсний барилгын материал үйлдвэрлэгчдийн бүтээгдэхүүнийг нэг дороос үйлдвэрийн НӨАТ-тай үнээр захиалан авах боломжтой боллоо.
 

Үүний зэрэгцээ барилгын гүйцэтгэгч байгууллага, хувиараа хөдөлмөр эрхлэгч иргэдийг бүртгэн ажилтай орлоготой байхад нь туслах хөдөлмөрийн бирж ажиллаж, барилгын салбарын ажлын байрны нэгдсэн бүртгэл, судалгааг хийх боломж нээгдлээ.

 
  Нэг цэгийн үйлчилгээний тухайд барилгын материал үйлдвэрлэгч, ханган нийлүүлэгч, гүйцэтгэгч, тээвэрлэгч байгууллагуудыг бүртгэж, тэдний бүтээгдэхүүн үйлчилгээг үзэсгэлэнгийн шоурүүмд байрлуулан олон нийтэд сурталчлан таниулах ажлыг хийж байна.
  Мөн барилгын материалыг нэг цэгийн үйлчилгээнээс гадна утсаар болон Barilgachin.mn цахим хуудасаар дамжуулан онлайнаар захиалан авах хүргэлтийн үйлчилгээ нээгдсэн байна.
  Ажил хайж байгаа ажилчид, хувиараа хөдөлмөр эрхлэгчид, бригад болон мэргэжлийн компаниудыг бүртгэж ажлын байраар хангах үйл ажиллагаа нь өнөө үе нэн эрэлт хэрэгцээтэй чухал үйлчилгээ болжээ.
  Барилгын материал худалдан авах гэж байгаа бол та хамгийн хямд бөгөөд эрж хайсан бараа, бүтээгдэхүүнүүд тань нэг дор бүрдсэн цаг хэмнэж, боломжийг өсгөх “Барилгачин” нэг цэгийн үйлчилгээг зориорой.

 
Холбоо барих: 77111177, 88817777, 88837777
Хаяг: ХУД-2-р хороо, МИШЭЭЛ барилгын их дэлгүүр