Ногоон барилгын хамгийн том зөвлөгөөн арга хэмжээ Бостонд зохион байгуулагдана

Ногоон барилгын хамгийн том зөвлөгөөн арга хэмжээ Бостонд зохион байгуулагдана

  Ногоон барилгын сэдвийг хөндсөн дэлхийн хамгийн том уулзалт зөвлөгөөн энэ оны 11 дүгээр сарын 8-наас 10 хүртэл АНУ-ын Бостон хотноо зохион байгуулагдахаар болжээ.

  Энэ удаагийн Greenbuild International Conference and Expo буюу Ногоон барилгын олон улсын зөвлөгөөн, үзэсгэлэн худалдаа нь барилгын экспертүүд, мэргэжилтнүүд, удирдах ажилтнуудыг хамруулж, олон талын асуудлыг хөндөн хэлэлцэхээр төлөвлөсөн байна. Тухайлбал, үзэсгэлэн зөвлөгөөнөөр шинэ санаа санаачилга, туршлага, судалгааны бүтээлүүд, ногоон барилгын шинэ технологи бүтээгдэхүүнүүдийг харилцан танилцуулж, бусадтайгаа хуваалцахаар зорьж байгаа ажээ.



  Зөвлөгөөн боловсрол, семинар, аялал, шагнал, үзэсгэлэнгийн танхим гэсэн чиглэлээр зохион байгуулагдана.

  Энэхүү арга хэмжээнд хүрэлцэн ирснээр дэлхийн ногоон барилгын хөгжлийг дэргэдээс нь үзэж, туршлагатай үйлдвэрлэгчид, ногоон барилгын мэргэжилтнүүдээс үнэтэй зөвлөмж авч, хамгийн сүүлийн үеийн шинэ дэвшилтэт технологитой танилцаж, тэдэнтэй хамтран ажиллах боломж бүрэн нээлттэй байх аж.



  Түүнчлэн семинар сургалтуудад нь хамрагдсанаар боловсролын кредит цуглуулах, LEED ногоон барилгын гэрчилгээг гардан авах боломжтой юм. Зөвлөгөөний гол сэдэвт Орон нутаг ба боломжит байшин, Усны дээд хэмжээний уулзалт, Олон улсын дээд хэмжээний уулзалт зэрэг арга хэмжээ багтжээ.



  Мөн ногоон барилгын танилцуулах аялал маш өндөр хэмжээнд явагдаж, онцгой зүйлсийг танилцуулах болно хэмээн зохион байгуулагчид нь амлаж байна. Оролцогчид нь ногоон барилгын үндсэн шаардлагуудыг бүрэн хангасан, эрчим хүчний тэг хэрэглээ бүхий дөрвөн төрлийн пассив барилгатай танилцаж, Бостоны ногоон барилгатай бүсүүдэд аялах аж. Үзэсгэлэн зөвлөгөөний бүртгэл 9-р сарын 7-ны өдрөөс эхэлж байгаа юм.

“Greenbuild International Conference and Expo”-д оролцохыг хүсвэл ЭНД дарна уу.







Холбоотой мэдээ