Өнөөдөр  Нийслэлийн Засаг даргын орлогч П.Баярхүү, ХНХЯ-ны Хөрөнгө оруулалтын үйлдвэрлэлийн хэлтсийн дарга Г.Анар, ЗТХЯ-ны Хяналт, шинжилгээ үнэлгээ дотоод аудитын газрын дарга Т.Гомбосүрэн, Нийслэлийн газрын албаны орлогч дарга Д.Нямдаваа, Гаалийн ерөнхий газрын татварын орлогын газрын дарга П.Жанцанхорлоо болон бусад албаны хүмүүс тус "Хөгжлийн төв"-ийн барилгын ажлын явцтай танилцлаа.


Одоогоор "Хөгжлийн төв"-ийн барилга угсралтын ажил 40 гаруй хувьтай явагдаж байгаа бөгөөд Хятадын төмөр замын 4 дүгээр товчоо гүйцэтгэгч компаниар ажиллаж байна.

2019 онд ашиглалтад орох эмчилгээ, асаргаа, амралт сувилалын цогц төв болох "Хөгжлийн төв"-өөр 21 аймаг, нийслэлийн есөн дүүргийн хөгжлийн бэрхшээлтэй хүүхдүүд үйлчлүүлэх боломжтой ажээ.

Төслийн нийт өртөг нь 181 сая юан буюу 63,3 тэрбум төгрөгийн төсөвтэй бөгөөд тавилга, тоног төхөөрөмжийг мөн шийдэж байгаа аж.