Монголын үе үеийн архитекторуудад болон тэдний дуу хоолой болсон “Монголын архитекторуудын эвлэл”-д Дэлхийн архитекторуудын баярын мэндийг дэвшүүлье.

Хойч үеийнхээ сайн сайхны төлөөх үйлс болсон улс орны бүтээн байгуулалт, Монголын архитектурын хөгжил дэвшилд эрхэм “Архитектор” та бүхний алдар гавьяа нөр их билээ.

Олон улсын архитекторуудын холбоо 1985 оноос жил бүрийн 10 сарын эхний Даваа гарагийг “Дэлхийн архитекторуудын өдөр” болгон зарласнаас хойш өдгөө 32 дахь удаагаа тэмдэглэн өнгөрүүлж байна. Энэ өдрийг манай улсад “Монголын архитекторуудын эвлэл” байгуулагдсан цагаасаа хойш тэмдэглэх болжээ.

Шинэ цагийн Монгол Улсыг бүтээн байгуулахад архитекторуудын үүрэг оролцоо ямагт фронтын өмнө байж, бидний үе үеийн архитекторууд уламжлалт шинэчлэлийг хадгалсан дэлхийд цор ганц бүтээн байгуулалт олноор бүтээсээр байна. Цаашид олон улсын архитектурын салбарт өрсөлдөхүйц боловсон хүчин улам ихээр төрөн гарч, дэлхийд цор ганц бүтээн байгуулалтууд ар араасаа сүндэрлэх болтугай.

Монголын архитекторууд та бүхэнд дахин баяр хүргэж, өндрөөс өндөр амжилтыг хүсэн ерөөе.

“Барилга.МН”-ийн хамт олноос