Барилгын зөвлөгөө мэдээллийн төвөөс зургаа дахь жилдээ зохион байгуулж буй "Барилга биллиард 2016" тэмцээн өнөөдөр "Элит" снүүкер биллиард клубд болж байна.

Тэмцээний Ерөнхий ивээн тэтгэгчээр "Эн Ар Жи Ти Эс" ХХК, дэмжигч байгууллагаар Монголын барилгын үндэсний ассоциаци ажиллаж байна.

Барилгын салбарын зөвхөн удирдлагуудын дундах энэхүү тэмцээнд нийт 30 гаруй биллиардын хорхойтон, сонирхогчид оролцож байгаа юм. Тухайлбал, ахмад тамирчдаас БХБЯ-ны Сайдын зөвлөх асан Л.Цээсүрэн, Барилга корпорацийн ерөнхий захирал Л.Шагдаррагчаа, "Эрин интернэйшнл" ХХК-ийн төслийн зөвлөх О.Сампил тэргүүтэй хүмүүс байгаа бол түрүү жилийн аваргууд ч оролцож байна. Тэдгээрт “Ремукс” ХХК-ийн захирал Т.Пүрэвдорж, “Булаат” ХХК-ийн захирал Д.Болд, “Эн Ар Жи Ти Эс” ХХК-ийн захирал Б.Энхтүвшин нар өрсөлдөж байна. Ингээд бүх тамирчиддаа амжилт хүсье.