Нидерландад дөнгөж баригдаад буй хамгийн өндөр модон барилгад амьдрах оршин суугчид нь давхрын төлөвлөлтөө өөрсдөө хүссэнээрээ өөрчилж болохуйц уян хатан байхаар зохион бүтээжээ. Архитектурын “FRANTZEN et al architecten” компани нь уг барилгыг ирээдүйд өөр зориулалтаар ашиглах боломжийг нь эзэмшигчдэд нь нээлттэй орхисон учир орон сууц, эсвэл оффис болгож болох аж.

  Амстердам хотноо байрлах 30 орчим метр өндөртэй уг барилгын даацын модон конструкцтай бөгөөд багана, шувуу нуруу, хана зэрэг интерьер засалд ил харагдах бүх хийцлэлүүдийг модоор хийсэн байна. Мэдээж хэрэг галын аюулгүй байдлыг нь хангахын тулд оршин суугчдын өөрсдийнх нь төлөвлөсөн зохион байгуулалтад зориулан галын хамгаалалтын хоолойнуудыг хаана ч суулгахад тохиромжтой байхаар бүтээжээ.

  Орон сууцны зориулалтаар барьсан “Patch 22” барилгыг оффис болгон өөрчлөхөд тун амархан. Энэ нь дээвэр дээрх нарны зайн хавтангуудаараа эрчим хүчний хангамжаа бүрэн шийдэх боломжтой. Нүүрстөрөгчийн саармагжуулсан халаалтын систем нь үрлэн түлш ашиглаж барилгын дулааныг хадгалж байдаг.

  Барилгыг барихад хамтран ажилласан архитекторууд болон зөвлөх мэргэжилтнүүд ирэх зуны улиралд ашиглалтад оруулах модон барилгын шинэ төсөл дээр ажиллахаар болжээ. Тэд өнгөрсөн онд модон барилгаараа “WAN 2016”-ийн Шилдэг орон сууц болон Ногоон шагналыг хүртсэн байна.