2017 оны нийслэлийн төсвөөр нээлттэй хэлэлцүүлэг хийв
Нийслэлийн эдийн засаг, нийгмийг 2017 онд хөгжүүлэх үндсэн чиглэлийг өнгөрсөн баасан гарагт НИТХ-аар баталсан. Хуулийн дагуу нийслэлийн 2017 оны төсвийн төслийг 11 дүгээр сарын 25-нд НИТХ-д өргөн барих ёстой билээ.
Ирэх оны нийслэлийн төсвийг хэлэлцэж буй энэ үед төсвийн төсөлд иргэдийн саналыг авах зорилгоор Нийслэлийн Засаг даргын орлогч нар, хотын иргэдтэй нээлттэй хэлэлцүүлэг зохион байгуулсан. Хэлэлцүүлэгт нийслэлийн 9 дүүргийн 200 гаруй иргэн оролцсон юм.
2017 онд нийслэлийн төсөвт 656.2 тэрбум төгрөгийн орлого төвлөрүүлэхээр төлөвлөсөн нь 2016 оны батлагдсан төсвөөс 73 тэрбум төгрөгөөр буюу 12.5 хувиар, 2015 оны гүйцэтгэлээс 104.5 тэрбум төгрөг буюу 18.9 хувиар тус тус нэмэгдүүлсэн дүнтэй байна.
Төсвийн орлогын бүрдүүлэлтийг хот, дүүргээр нь ангилан авч үзвэл хотын төсөвт 536 тэрбум төгрөгийн орлого төвлөрч, нийслэлийн төсвийн орлогын 81.7 хувийг бүрдүүлэхээр төлөвлөжээ. Дүүргүүдийн төсөвт 120.2 тэрбум төгрөгийн орлого төвлөрч, нийслэлийн төсвийн 18.3 хувийг бүрдүүлэхээр байна.
Иргэд дахин төлөвлөлтийн ажлыг эрчимжүүлэх, орон сууцны дулаан алдагдлыг бууруулах, гэрэлтүүлэг, камерын хяналтыг сайжруулах, дэд бүтэц, автозамын асуудал зэргийг хөндөн ярьсан. Мөн сургууль, цэцэрлэгийн хүртээмжийг нэмэгдүүлэх, түүнийг шийдвэрлэх талаар төсөвт суулгах шаардлагатайг тэд хэлж байлаа.
Тухайлбал, БЗД-ийн 5 дугаар хорооны иргэн н.Бямбадорж “Манай хороонд 146-р цэцэрлэг гэж 300 хүүхдийн багтаамжтай цэцэрлэг байсан. Үүнийг 2013 онд тухайн үеийн хотын даргын захирамжаар нураасан. Одоо газар нь хашаатайгаа бэлэн байгаа. Манай хорооны иргэд үүн дээр их хүлээлттэй байдаг” гэлээ.
Мөн Чингэлтэй дүүргийн 11 дүгээр хорооны иргэн хороондоо цэцэрлэгтэй бол хүүхдүүд өвлийн хүйтэнд өөр хорооны цэцэрлэг рүү явахгүй, эцэг эхчүүдэд ч хүндрэл багатай болохыг хэлж байв.
БЗД-ийн 24 дүгээр хорооны иргэн н.Сандуй “Манай хороо цэцэрлэг, сургуульгүй хороо. Ирэх 4 жилд нийслэлийн удирдлагууд хотын захын дүүрэг, гэр хорооллууд руу гол бодлогоо чиглүүлээсэй гэж хүсч байна. Манай хороонд цэцэрлэг болгох боломжтой хувь хүний байшин бий. Үүнийг цэцэрлэг болгох хөрөнгийг төсөвт суулгаасай гэсэн саналтай байна” гэсэн юм. Энэ мэтчилэн олон санал, санаачлага иргэдээс гарч байлаа.
Нийслэлийн ирэх 2017 оны төсвийн төсөлтэй холбоотойгоор иргэдийн хэлсэн саналыг хотын удирдлагууд судалж, Нийслэлийн Засаг даргын зөвлөлийн хурлаар хэлэлцэхдээ тусгана гэдгийг хэллээ. Ялангуяа иргэдийн голчлон ярьсан сургууль, цэцэрлэгийн хүрэлцээг нэмэгдүүлэхэд анхаарч ажиллана гэсэн юм.
Ирэх оны нийслэлийн төсвийг хэлэлцэж буй энэ үед төсвийн төсөлд иргэдийн саналыг авах зорилгоор Нийслэлийн Засаг даргын орлогч нар, хотын иргэдтэй нээлттэй хэлэлцүүлэг зохион байгуулсан. Хэлэлцүүлэгт нийслэлийн 9 дүүргийн 200 гаруй иргэн оролцсон юм.
2017 онд нийслэлийн төсөвт 656.2 тэрбум төгрөгийн орлого төвлөрүүлэхээр төлөвлөсөн нь 2016 оны батлагдсан төсвөөс 73 тэрбум төгрөгөөр буюу 12.5 хувиар, 2015 оны гүйцэтгэлээс 104.5 тэрбум төгрөг буюу 18.9 хувиар тус тус нэмэгдүүлсэн дүнтэй байна.
Төсвийн орлогын бүрдүүлэлтийг хот, дүүргээр нь ангилан авч үзвэл хотын төсөвт 536 тэрбум төгрөгийн орлого төвлөрч, нийслэлийн төсвийн орлогын 81.7 хувийг бүрдүүлэхээр төлөвлөжээ. Дүүргүүдийн төсөвт 120.2 тэрбум төгрөгийн орлого төвлөрч, нийслэлийн төсвийн 18.3 хувийг бүрдүүлэхээр байна.
Иргэд дахин төлөвлөлтийн ажлыг эрчимжүүлэх, орон сууцны дулаан алдагдлыг бууруулах, гэрэлтүүлэг, камерын хяналтыг сайжруулах, дэд бүтэц, автозамын асуудал зэргийг хөндөн ярьсан. Мөн сургууль, цэцэрлэгийн хүртээмжийг нэмэгдүүлэх, түүнийг шийдвэрлэх талаар төсөвт суулгах шаардлагатайг тэд хэлж байлаа.
Тухайлбал, БЗД-ийн 5 дугаар хорооны иргэн н.Бямбадорж “Манай хороонд 146-р цэцэрлэг гэж 300 хүүхдийн багтаамжтай цэцэрлэг байсан. Үүнийг 2013 онд тухайн үеийн хотын даргын захирамжаар нураасан. Одоо газар нь хашаатайгаа бэлэн байгаа. Манай хорооны иргэд үүн дээр их хүлээлттэй байдаг” гэлээ.
Мөн Чингэлтэй дүүргийн 11 дүгээр хорооны иргэн хороондоо цэцэрлэгтэй бол хүүхдүүд өвлийн хүйтэнд өөр хорооны цэцэрлэг рүү явахгүй, эцэг эхчүүдэд ч хүндрэл багатай болохыг хэлж байв.
БЗД-ийн 24 дүгээр хорооны иргэн н.Сандуй “Манай хороо цэцэрлэг, сургуульгүй хороо. Ирэх 4 жилд нийслэлийн удирдлагууд хотын захын дүүрэг, гэр хорооллууд руу гол бодлогоо чиглүүлээсэй гэж хүсч байна. Манай хороонд цэцэрлэг болгох боломжтой хувь хүний байшин бий. Үүнийг цэцэрлэг болгох хөрөнгийг төсөвт суулгаасай гэсэн саналтай байна” гэсэн юм. Энэ мэтчилэн олон санал, санаачлага иргэдээс гарч байлаа.
Нийслэлийн ирэх 2017 оны төсвийн төсөлтэй холбоотойгоор иргэдийн хэлсэн саналыг хотын удирдлагууд судалж, Нийслэлийн Засаг даргын зөвлөлийн хурлаар хэлэлцэхдээ тусгана гэдгийг хэллээ. Ялангуяа иргэдийн голчлон ярьсан сургууль, цэцэрлэгийн хүрэлцээг нэмэгдүүлэхэд анхаарч ажиллана гэсэн юм.