Сүүлийн жилүүдэд өвөрмөц шинэлэг загвартай мөртлөө эрчим хүчээ бие даан шийдсэн барилгууд ихээр сүндэрлэх болжээ. Тухайлбал, Австрийн Листениед баригдсан энэхүү орон сууцны барилга нь төвийн шугам сүлжээнд холбогдоогүй бөгөөд дулааны эрчим хүч, агааржуулалт-хөргөлтийн системээ бие даасан байдлаар шийдсэн нь ихээхэн анхаарал татаж байгаа юм. Ингэснээр уг пассив барилга нь оршин суугчдад гэрийн доторх дулааны хэм, агааржуулалтаа өөрсдөө тохируулах боломжтой юм.

   Энэ нь байгалийн нөөц боломжид тулгуурлан сайтар тусгаарлагдсан чулуун хавтангаар хүрээлэн буй орчинд таатай нөхцөлийг бий болгож чаджээ. Уг бүрхүүлийн дотор давхарга нь өндөр нягтралтай, бат бөх бөгөөд бусад давхарга нь дулаан тусгаарлалтын онцгой үүрэг гүйцэтгэдэг аж. Барилгын хотгор цонх нь дулааныг сайн хадгалдаг бөгөөд мэдрэгчтэй агааржуулах хавхлага нь өрөөн доторх агаарыг цэвэршүүлдгээрээ онцлогтой.

  Хүйтний улиралд, хаягдал буюу илүүдэл дулаанаараа эрчим хүчээ зохицуулж, өрөөн дэх нүүрстөрөгчийн давхар ислийн хэмжээг л бууруулах цонхны хавхлагыг нээлттэй байлгаж болдог. Харин зуны улиралд байгалийн цэвэр агаарыг сайтар оруулж өгөхийн тулд салхивчийг нээлттэй байлгаж өгнө.