Төв цэвэрлэх байгууламжийн засвар 11 сард дуусна
АСЕМ болохтой холбоотойгоор улсын төсвөөс 8.1 тэрбум төгрөг гаргаж, Төв цэвэрлэх байгууламжийг засахаар шийдвэрлэсэн. Ажил одоо ч үргэлжилж буй. Уг нь өнгөрсөн долдугаар сарын 1 гэхэд дуусгахаар төлөвлөсөн ч амжаагүй. Засварын ажил өдгөө 80 орчим хувьтай бөгөөд энэ хүрээнд үнэр дарах болон зарим техник технологийг шинэчлэн сайжруулах зэрэг 20 төрлийн ажил багтжээ. Одоогоор цэвэрлэх байгууламжийн гурвыг нь огт эхлээгүй, тав нь үргэлжилж, үлдсэнийг нь амжилттай гүйцэтгэсэн аж. Ирэх арваннэгдүгээр сард бүрэн дуусгах боломжтой гэнэ.