Австралийн Сидней хотноо байрлах “The City Rises” цамхаг нь Парраматтагийн тэмцээнээс Хотын шилдэг барилга шагналыг хүртжээ. “Сиамын хос” хэмээн нэрлэсэн уг цамхаг нь маш олон талын онцлог, давуу талтай.

     Энэхүү өвөрмөц хэлбэр бүхий байгууламж нь албан тасалгаа түрээслэгч компаниуддаа хамгийн сүүлийн үеийн интерьер засал, оновчтой байршлыг санал болгож байгаа юм. Хотын төв хэсэгт, олон нийтийн хөл хөдөлгөөн ихтэй гудамжинд байрлаж байгаа нь тус цамхгийн гол давуу тал.

     Барилгын хойд хэсэгт нь байрласан хар өнгийн шилэн хайрцгууд нь ус, гэрэл болон эрчим хүчийг хүлээн авч, хуримтлуулан, эргэлтэд оруулах зэргээр байгууламжийн шүүлтүүрийн үүргийг гүйцэтгэдэг.



     Харин цамхгийн тахир хэлбэр нь салхи болон нарны хурц гэрлийн эсрэг маш тохиромжтой аж. Мөн барилгын гадна хучилт нь нарны нөлөөлөлд тохиромжтой дотоод гэрэл мэдрэгчтэй олон давхар шилнээс бүтсэн хэдий ч нэвт харагдахуйц тунгалаг хийцтэйгээрээ давуу талтай ажээ.