Нигери улсын санхүү болон соёлын төв болон хөгжиж буй Лагос хотноо байгаль орчинд ээлтэй ногоон дээвэр бүхий модон цамхаг баригдаж байна. Тухайн нутгийн соёлын онцлог болсон цоолбортой дугтуйнаас санаа авч энэхүү барилгын архитектур дизайныг гаргажээ.

  Тус хотод олон тооны бетон барилга дээр ажилласан арвин туршлагатай “Hermann Kamte & Associates” комани уг модон цамхгийн загварыг гаргаж байгаа аж. Өндөр давхар бүхий энэхүү модон барилга нь баригдсанаар пассив байшингийн загварын үндсэн зарчим болох гадаад болон дотоод орчинд эрс өөрчлөлт хийх шинэлэг алхам болох юм.

  Барилгын загварыг анх “City Above the City” тэмцээнд зориулан гаргажээ. Давхар бүрт нь зүлэг ногоо, ургамлаар хүрээлэгдсэн орон сууцны нэгжүүд байрлах аж. Үндсэндээ 4 хэсэгт хуваагдаж буй уг барилгын дээд давхруудад цэцэрлэгт хүрээлэн бүхий орон сууцны хэсэг байх бөгөөд энд шинэлэг болон хуучинсаг гэсэн 2 салангид байдлаар тав тухтай орчныг бүрдүүлэхийг хичээжээ. Дээврийн цэцэрлэгээс хотыг бүхэлд нь тольдож болох бөгөөд энд амарч тухлах онцгой орчинг бүрдүүлж, тансаг зоогийн газар байгуулах юм.

  Барилгын загварын санааг авсан модон дугтуй нь “Yoruba” соёлоос уламжлагдан ирсэн бөгөөд энэ нь нарны шууд тусгалаас хамгаалж, байгалийн агааржуулалтыг чөлөөтэй нэвтрүүлэх онцгой давуу талтай.