Иргэдийн дунд ипотекийн зээл олголт удаашралтай, зарим банк огт олгохгүй байна гэсэн гомдол, таамаг нэлээд гарсан ч, зээл хэвийн олгогдож байгаа тухай Монголбанкнаас мэдэгдээд буй. Нөгөө талаар ипотекийн зээл олгох нөхцөл чангарч, төлбөрийн чадвартай өрхийн тоо багассан, санхүүжилт буурсан зэргээс шалтгаалаад зээл олголт эрс цөөрч байсан. Гэвч Монголбанк болон холбогдох байгууллагуудын зүгээс ипотекийн зээлийг хэвийн үргэлжлүүлэхэд анхаарч, цаашид санхүүжилтийн эх үүсвэрийг таслахгүй, нэмэгдүүлэхээ мэдэгдээд байсан. 

  Тэгвэл 2017 оны 2 дугаар сард Монголбанкнаас “Орон сууцны ипотекийн санхүүжилтийн тогтвортой тогтолцоог бий болгох хөтөлбөр”-ийн хүрээнд нийт 396 зээлдэгчдэд 24.2 тэрбум төгрөгийн зээлийн эх үүсвэрийг олгожээ. Харин 3 дугаар сард нийт 460 зээлдэгчдэд 27.1 тэрбум төгрөгийн зээлийн эх үүсвэрийг олгосон байна.