Барилгын материал, дэвшилтэт технологийн үзэсгэлэн өнөөдөр, маргааш үргэлжилнэ

Барилгын материал, дэвшилтэт технологийн үзэсгэлэн өнөөдөр, маргааш үргэлжилнэ

   Барилгын материал, дэвшилтэт технологийн  “BARILGA EXPO 2017” олон улсын үзэсгэлэн яармаг Мишээл экспо төвд болж байна. Өнөөдөр, маргааш гээд ердөө хоёрхон өдөр үргэлжлэх уг үзэсгэлэнд гадаад, дотоодын барилгын материал, дэвшилтэт техник технологи нэвтрүүлэгчид гээд нийт 120 гаруй аж ахуйн нэгж бүтээгдэхүүн үйлчилгээгээ танилцуулж байна.

   Орос, Хятад, Герман, Чех, Польш, Солонгос, Япон, Турк зэрэг орнуудаас дэлхийд нэр хүндтэй үйлдвэрлэгч, тоног төхөөрөмжийн компаниуд үзэсгэлэнд оролцож, тэдгээрийн зарим нь Монгол дахь хамтран ажиллагч, дистрибьюторуудаа сонгохоор төлөвлөж байгаа юм.



Оролцогчдын танилцуулах бүтээгдэхүүн, үйлчилгээний төрлөөс танилцуулбал:
  • Барилгын материал (Бүх төрлийн)
  • Амины орон сууц, Эрчим хүчний хэмнэлттэй барилга
  • Халаалт, бохир, дэд бүтцийн шийдэл
  • Барилга угсралт (Иргэний ба үйлдвэрлэл, ХАА барилга)
  • Сантехник, Агааржуулт, Хөргөлт
  • Цахилгаан, холбоо дохиолол
  • Цонх, хаалга, шилэн хийц
  • Орчин үеийн засал чимэглэлийн материал
  • Интерьер, зураг төсөл гүйцэтгэл
  • Машин механизм, тоног төхөөрөмж гэх мэт.



  Түүнчлэн үзэсгэлэнгийн үеэр оролцогч компаниуд болон иргэдэд зориулсан барилгын шинэ материал, технологи танилцуулах,  амины орон сууцаа өөрсдөө барихад хэрэгтэй үнэ төлбөргүй сургалт семинарууд зохион байгуулагдана.

Сургалт, семинаруудыг танилцуулбал:

2017.05.06

10:00-13:00     “Хуурай хольц, будаг болон хамгаалалтын бүрхүүлийн чиглэлийн сүүлийн үеийн бүтээгдэхүүний танилцуулга” ООО Вакер Хеми Рус компани

14:00-15:00    “Барилгын ханган нийлүүлэлтийн нэгдсэн тогтолцоо” сэдэвт семинар - “Барилгачин групп”

2017.05.07

12:00-13:00     “Өөрийн байшингаа босгох төлөвлөгөө” сэдэвт семинар - “Өөрийн байшингаа босгох төлөвлөгөө” ТББ-ын тэргүүн Ч.Батцэнгэл


 
   Барилгын материал, дэвшилтэт технологийн бүтээгдэхүүнтэй танилцахын зэрэгцээ амины орон сууцаа өөрсдөө барих гэж буй иргэдэд зориулсан сургалт, семинартай “Barilga Expo 2017” олон улсын үзэсгэлэн яармагт та бүхнийг урьж байна.
 
 
Барилгын материал, дэвшилтэт технологийн үзэсгэлэнгийн дэлгэрэнгүй мэдээллийг 77113333, 99907814, 99907816 дугаараас лавлана уу.
























Холбоотой мэдээ