​“Барилга.МН” сэтгүүлийн тавдугаар сарын дугаар худалдаанд гарлаа

​“Барилга.МН” сэтгүүлийн тавдугаар сарын дугаар худалдаанд гарлаа
         “Барилга.МН” сэтгүүлийн энэ удаагийн дугаарт төслийн өртгийн менежмент, барилгын зах зээлд нэвтрэх хялбар арга зам, хямралын үеийн маркетинг, өнгөлгөөний материалуудыг хооронд нь бэхлэх арга болон хуучин цонхыг солих, угсрах, фасадны өнгөлгөө, овойлттой хөрсний суурийн шийдэл, дуу чимээ тусгаарлагч гэх мэт танд ашигтай, тустай, хаа ч байхгүй контент, зөвлөгөөг түлхүү хүргэж байна.

    Сэтгүүлийн хоймор болсон “Дугаарын зочин” буланд: 2018 оноос Азийн хөгжлийн банк МУ-ын иргэдийн орлогод нийцсэн орон сууцны хөтөлбөрийг нийслэл болон орон нутагтай хамтран хэрэгжүүлэхээр тохиролцсоны дагуу бэлтгэл ажил, зураг төслийг боловсруулж байгаа аж. Энэ тухай болон салбарын бодлого, төлөвлөлтийн тухай ярьсан БХБ-ын Сайд Б.Мөнхбаярын ярилцлага нийтлэгджээ.

    Хямралын үед маркетингаа хэрхэн явуулах тухай элдэв семинар, лекц энд тэндгүй зохион байгуулагддаг болсон. Гэхдээ эдгээрт цаг зав, мөнгөө үрэлгүй дээрх сэдвийн дагуу “Контент маркетинг” компанийн захирал Д.Гэрэлт-Одын бизнесменүүдэд зориулсан сонирхолтой ярилцлагыг уншаарай.
    Эх орныхоо архитектурын түүх соёлыг хайрлан, хамгаалахад чиглэгдсэн “Дурсгалт барилга” булангаар Монголын хамгийн анхны Архитектор Б.Чимэд гуайн бидэнд үлдээсэн өв, дурсгал болсон бүтээлүүдээс танилцууллаа.
       Сүүлийн үед залуу интерьер дизайнеруудын чадвар өсөн нэмэгдэж, олон улсын төсөл хөтөлбөрт оролцох болсон. Тэдгээр залуу чадварлаг дизайнеруудын нэг Б.Алтантөгсийн хуучны байрыг орчин үеийн хэв маягт хувирган тохижуулсан загварыг хүргэж байна. Тэрээр “Эдийн засгийн хямралаас үүдэн хуучин байрны үнэ унаж байгаа энэ үед байраа зарж, солино гэдэг амаргүй. Үүний оронд байрандаа багахан хэмжээний хөрөнгө оруулалт хийж, шинэ байрнаас илүүтэй үнэ цэнэ, тав тухыг бий болгох бүрэн боломжтой” хэмээн онцолж байсан юм.

    Дээрх дурдсанчлан сэтгүүлийн энэ сарын дугаарт маш олон зөвлөгөө багтсаны нэгийг энд онцолмоор байна.

    Манай улсад  иргэд орон сууц түрээслэн амьдрах нь элбэг. Энэ үед түрээслэгч, түрээслүүлэгч хоёрын дунд өрнөх элдэв жижиг маргаанаас үүдэн барьцаа мөнгөө авч чадахгүй байх тохиолдол багагүй тулгардаг. Мөн түрээслэгч өөрт ашиггүй гэрээ хийх, ашиггүй төлбөрийг төлөх зэрэг явдал газар авсан. Тэгвэл орон сууц түрээслэгч танд зориулсан бяцхан зөвлөгөөг энэ сарын дугаарт багтаалаа.

    Бидний бэлтгэдэг контент бүр манай улсын хэвлэл мэдээллийн салбарт хаана нь ч байхгүй гэдгийг итгэл төгс дуулгахад таатай байна. Үргэлж шинийг, мөн амьдралд хэрэгцээтэйг нь онцлон танд хүргэсээр байх болно. “Барилга.МН” сэтгүүлийн захиалагч, уншигч та бүхэнд баярлалаа.









Холбоотой мэдээ