Барилга, хот байгуулалтын яамнаас “Барилгын салбарын мэргэжилтний давтан сургалт, мэргэшлийн зэрэг олгох тогтолцоог боловсронгуй болгох нь” нээлттэй хэлэлцүүлгийг Барилгын хөгжлийн төвийн “Барилгачин” танхимд 2017 оны 02 сарын 22-ны өдөр зохион байгууллаа. 

   Тус Хэлэлцүүлгийг зохион байгуулах саналыг Барилгын зураг төсөл зохиогчдын холбооноос гаргаж, “Барилгын салбарын мэргэжилтний давтан сургалт, мэргэшлийн зэрэг олгох тогтолцоо” дүрмийн шинэчилсэн танилцуулгыг БХБЯ-ны ТЗУГ-ын ахлах мэргэжилтэн Д.Эрдэнэчимэг, “Барилгын тухай” хуулийн дагуу барилгын салбарын ажилтныг давтан сургах, мэргэжил дээшлүүлэх, мэргэшлийн зэрэг олгох ажлыг зохион байгуулах тухай танилцуулгыг ГЗБГЗЗГ-ын газрын ахлах мэргэжилтэн Ц.Баярбат, “Хот төлөвлөлт, архитекторуудын чиглэлийн мэргэжилтнийг давтан сургах, мэргэжил дээшлүүлэх сургалтын чиг үүргийг гэрээгээр гүйцэтгэх” сэдвээр МАЭ-ийн ерөнхийлөгч Э.Хүрэлбаатар, ”Барилгын салбарын мэргэжилтний давтан сургалт, мэргэшлийн зэрэг олгох ажиллагааг шинэ шатанд гаргах шаардлага” сэдвээр танилцуулгыг БЗТЗХ-ны ерөнхийлөгч Н.Дорж нар тус тус хийлээ. 
 
   Хэлэлцүүлгийн үеэр тус журмын төсөлд мэргэжлийн ТББ болон зураг төслийн байгууллагын архитектор, инженерүүд саналаа өгч, БХБ-ын Сайдын Зөвлөх, Гавьяат барилгачин Г.Мягмар дүгнэлт хэлснээр хэлэлцүүлгийн үйл ажиллагаа өндөрлөлөө.

   Хэлэлцүүлэгт БХБЯ-ны газрын дарга нар, БХБ-ын Сайдын зөвлөх Г.Мягмар, БХТ-ийн захирал Ц.Амарсанаа болон дэд захирлууд, хэлтсийн дарга нар, ахлах мэргэжилтнүүд, МБИХ-ны дэд ерөнхийлөгч, менежерүүд, БХҮНТ, БТҮХ, МАЭ, ҮББКорпораци, БЗТЗХ-ны УЗ-ийн гишүүд, Зөвлөх, МУ-ын зөвлөх инженер Г.Сарантуяа, гүйцэтгэх захирал А.Батцэнгэл, менежер Ч.Баярсайхан нар болон зураг төслийн байгууллагуудын төлөөлөл нийт 50 гаруй зураг төсөлчид оролцлоо.

Гүйцэтгэх алба