МБҮА-д шинээр 8 гишүүн компани нэмэгдлээ

МБҮА-д шинээр 8 гишүүн компани нэмэгдлээ
       Монголын Барилгын Үндэсний Ассоциаци нь Удирдах зөвлөлийн 2017 оны анхдугаар хурлын үеэр шинээр 8 гишүүн компанийг МБҮА-д элсүүлж, гэрчилгээг нь гардуулав. Тус гишүүн компаниуд нь салбартаа танигдсан, ажил үйлчилгээгээрээ тэргүүлэгч компаниуд бөгөөд та бүхэн эдгээр компаниудтай хамтран ажиллах бүрэн боломжтой юм.
 
•           Доече Вэллэ ХХК
Монголдоо Герман стандартыг нутагшуулах зорилготой, дэлхийд тэргүүлэгч EGGER, Dollken, Ter Hurne, Marburg, LINDNER зэрэг дотор заслын бүх төрлийн материал үйлдвэрлэгч 10 гаруй компанийн бүтээгдэхүүнийг албан ёсны эрхтэйгээр нийлүүлж байгаа компани юм.

•           Мацүзакая ХХК
2012 онд Япон улсын хөрөнгө оруулалттай үүсгэн байгуулагдсан энэ компани нь барилгын материал, дотоод засал, япон стандартын засвар үйлчилгээ, ус цэвэршүүлэх тоног төхөөрөмж зэрэг японы дэвшилтэт технологийг нэвтрүүлээд байна.

•           Нью Телеком ХХК
2005 оноос барилга, харилцаа холбоо, уул уурхай болон бусад салбаруудад харилцаа холбооны систем, хяналт бүртгэлийн систем, аюулгүй байдлын системийг чанарын өндөр түвшинд суурилуулдаг, хамгийн орчин үеийн системийн иж бүрэн интеграцийг хөгжүүлэх чадвар бүхий техник технологийн чадавхийг эзэмшсэн, мэргэжлийн хүний нөөцтэй компани юм. 

•           Прохит ХХК
2008 онд үүсгэн байгуулагдаж, дулаан, цахилгаан, сантехник, барилга угсралтын ажлыг хийдэг болно.

•           Премиум Конкрит ХХК
2011 онд үүсгэн байгуулагдаж, олон улсын стандартад нийцсэн өндөр чанарын бетон зуурмагийг үйлдвэрлэдэг. Үйлдвэрлэлийн процесс, лабораторийн туршилт, түүхий эдийн шалгуур, бүтээгдэхүүн тээвэрлэлт болон хүргэлт нь олон улсын стандартад нийцсэн тул олон улсын NRMCA-ийн гишүүн байгууллагаар элсэн амжилттай үйл ажиллагаагаа явуулж байна.

•           Эрин Интернэйшнл ХХК
2002 онд үүсгэн байгуулагдаж, барилга угсралт, зам гүүрийн угсралт, барилгын материалын үйлдвэрлэл болон худалдааны чиглэлээр үйл ажиллагаагаа явуулж байгаа.

•           Эфэс Констракшн ХХК
2012 оноос хойш барилга угсралт, зураг төслийн чиглэлээр үйл ажиллагаагаа явуулж буй тус компани нь чанарын өндөр түвшинд гүйцэтгэдэг барилга угсралтын компани

•           Явуу Импекс ХХК
2000 онд үүсгэн байгуулагдсан бөгөөд Ази, Европын салбартаа тэргүүлэгч компаниудын албан ёсны дистрибьютерээр ажилладаг ба барилгын орчин үеийн халаалт, агаар сэлгэлт, хөргөлтийн системийн нийлүүлэлт угсралтын чиглэлээр үйл ажиллагаа явуулдаг. Зураг төсөл, угсралт, ашиглалт гэсэн гурвалсан үйлчилгээг харилцагч байгууллагууддаа санал болгодог нь Явуу Импэкс компанийн давуу тал юм.
 
 
МБҮА-ийн Ажлын алба 

Холбоотой мэдээ