Өнөөдөр “Хямдрал, урамшуулалттай орон сууцны өдөрлөг” хоёр дахь өдрөө үргэлжилж байна. Энэ үеэр Улаанбаатарт байршилтай 80 гаруй орон сууцны төслийг танилцуулж байгаагаас гадна хуучин орон сууцны худалдаа болон зуучийн үйлчилгээг үзүүлж байгаа юм.

   Шинэ орон сууц метр.кв-ын үнэ 1,050,000 төгрөгөөс эхэлж байгаа буюу зах зээлийн үнэ ханшнаас доогуур үнэтэйгээр худалдаалагдаж байна. Тухайбал, БЗД-ийн 12-р хороонд байршилтай “Өгөөмөр хотхон”, ХУД-ийн Буянт-Ухаад байршилтай “B one appartment” тус тус м² нь 1,2 сая төгрөг байна. Харин "Тарвилан" хотхон м.кв нь 1,050,000 төгрөгийн үнэтэй худалдаалагдаж байна.

   Түүнчлэн барилгын компанийн хүүгүй зээл, урьдчилгаа нөхцөлд автомашин, бог мал, орон сууц оролцуулах зэрэг төлбөрийн уян хатан нөхцөлийг зарим компаниуд санал болгожээ. Тэдгээрээс заримыг дурдвал, Дүнжингарав худалдааны төвийн чанх урд байрлах “Edu appartment” урьдчилгаа 30 хувьдаа “Prius” маркийн автомашин оролцуулах, БЗД “Сэлбэ хотхон” 20-30 хувийн урьдчилгаа төлөөд 36 сарын хүүгүй зээл олгох аж.

   Хэрэв банкны зээлийг сонирхож буй бол өдөрлөг дээр “Хас”, “Худалдаа хөгжлийн банк”-ны 1,5-1,65 хувийн хүүтэй зээлийн мэдээллийг холбогдох ажилтнууд нь олгож байна. Энэ мэтчилэн мэдээ, мэдээллийг та яг одоо Орон сууцны бирж дээр хүрэлцэн ирээд аваарай.