Австрийн Граз дахь “Kunsthaus Graz” урлагийн музейн муруй цонх, дээвэр, барилгын хэмжээ зэрэг нь эргэлзэх зүйлгүй харь гаригийн амьтан мэт харагдах аж. Барилгын архитектурыг Лондонгын архитектор Петр Күүк болон Колин Пайрнэйр нар гаргасан бөгөөд өөрсдөө уг барилгаа "Найрсаг харийн хүн" хэмээн нэрлэдэг. Араатны гэдэс мэт дотор нь орчин үеийн урлагийн үзэсгэлэнгийн хоёр том заал байрладаг. 2003 онд ашиглалтад орсон. Дээвэрт нь мянга мянган нарны шилэн зай хураагуур байрлуулж, 900 цагираг гэрэлтүүлэгийг суурилуулсан байна.