Барилгын салбарын маркетингийг хэрхэн оновчтой хийх вэ

Барилгын салбарын маркетингийг хэрхэн оновчтой хийх вэ
     “Барилга Эм Эн” ХХК-ийн Судалгааны албаны дарга Б.Билэгтсайхан барилгын салбарт бизнес эрхлэгчдэд зориулсан “Барилгын салбарын маркетинг” /Орон сууцны төслийн жишээ/ сэдэвт илтгэлээ тавьлаа. Өнөөдөр Гандирс төвд зохион байгуулагдаж буй “Бартерийн Бирж 2016” арга хэмжээн дээр тавьсан уг илтгэлд орон сууцны борлуулалтыг хийхэд нэн түрүүнд шаардагдах цаг үеийн нөхцөл байдал, хэрэглэгчийн зан төлөвд уялдуулсан оновчтой маркетингийг хэрхэн явуулах, зөв төлөвлөлт гаргах тухай тодорхой жишээ бүхий сонирхолтой судалгаа, мэдээллийг хүргэсэн юм.

     Түүнчлэн илтгэлд орон сууцны эрэлт, нийлүүлэлтийн байдал, үнэд нөлөөлж буй хүчин зүйлс, борлуулалт болон худалдан авалтад нөлөөлж буй хүндрэлтэй гол асуудлуудыг хөндөн гаргаж, бизнес эрхлэгчдийн сонирхсон асуултуудад хариулт өгөх байдлаар харилцан ярилцаж санал бодлоо солилцлоо.



     Тус арга хэмжээнд хүрэлцэн ирсэн барилга угсралт, захиалагч болон барилгын материал үйлдвэрлэгч, импортлогч компаниудын төлөөлөл илтгэлийн дараа хоорондоо хэлэлцүүлэг өрнүүлж, салбарын үйл ажиллагааг сэргээх, харилцан үйл ажиллагаагаа дэмжихийн тулд аж ахуйн нэгж байгууллагууд нэгдэн ажиллах шаардлагатай байгааг онцолж байсан юм. Энэхүү илтгэлийн талаарх дэлгэрэнгүй мэдээллийг манай сайтаас хүлээн авах боломжтой.



     Дашрамд дурдахад, “Барилга Эм Эн” ХХК-ийн Судалгааны алба нь салбарын хэмжээнд бизнес эрхлэгчдэд оновчтой маркетинг-борлуулалтын төлөвлөгөө гаргах, амжилттай төсөл хэрэгжүүлэхэд нь шаардлагатай зөвлөмж зөвлөгөө өгөх, хэрэглэгчийн зан төлвийн судалгаа хийх, бүхий л төрлийн судалгаа шинжилгээг захиалгаар гүйцэтгэх зэрэг олон талт үйлчилгээг үзүүлж байгааг мэдэгдье.


Холбоотой мэдээ