БАРИЛГЫН ЦОНХНЫ ДУЛААН АЛДАЛТАЛД ХИЙСЭН ХАГАС НАТУР ТУРШИЛТЫН ДҮГНЭЛТ
Барилгын дулааны алдагдал нь гадна хана, дээвэр, шал, цонх, хаалга зэрэг хашлага хийцээр дулааны 70-90% алддаг байна. Гэхдээ тухайн барилгын байршил, хийц, гадаргуугийн талбайн хэмжээ, геометрийн хэлбэр зэрэг нь үүнд мэдээж нөлөөлнө.
Ерөнхий мэдээлэл:
Ерөнхий мэдээлэл:
- Барилгын цонх хаалгаар алдаж болох дулааны норматив утга 28-30% байна. Өөрөөр хэлбэл, орон сууцны барилгын цонх, хаалгаар 28-30%-ын дулаан алдагдал байх нь хэвийн үзэгдэл гэж үздэг.
- Энэхүү туршилтыг шөнийн 20 цагаас өглөөний 8 цагийн хооронд хийсэн. Энэ цагуудад нарны эрчим хүчний нөлөөлөлгүй үе байдаг тул натур туршилт хийх хамгийн тохиромжтой юм.
- Нийслэл хотын хамгийн хүйтэн 9 цэгт байрлах 9 орон сууцны барилгад угсарсан 66мм, 70мм-ын зузаантай 5 өөр төрлийн хуванцар араамтай, 2 болон 3 давхар шилэн багцтай цонхонд хэмжилт хийсэн.
- Туршилтыг Монголын Цонх Хаалга Үйлдвэрлэгчдийн Холбоо, Барилга Архитектур Корпорацийн барилгын материалын сорилтын шинжээч, ШУТИС-ийн барилгын эрчим хүч хэмнэлтийн төвийн шинжээч, “Шилэн хийц” ХХК хамтран гүйцэтгэсэн болно.
| № |
Барилгын цонхны төрөл |
oC tg |
oC tg |
oC |
Шилэн багцын тэмдэглэгээ |
Q2 вт/m2 оС |
Q1 вт/m2 оС |
Алдагдсан дулааны хувь хэмжээ |
| 1-4 |
Захиргаа олон нийтийн барилгын цонх | 13-19 |
5-11 |
7-8 |
4+16+4 4+9+4+9+4 |
230 182 |
135 166 |
48% 10% |
| 5-9 | Орон сууцны барилгын цонх | 13-20 |
7-12 |
7-12 |
4+12+4 4+16+4 4+9+4+9+4 |
252 208 173 |
130 119 133 |
94% 75% 30% |
Ашигласан багжны үзүүлэлт
- Өрөөний чийгшилт, агааржуулалтын салхины хурд, температур хэмжигч
- Дулаан алдалтыг хэмжигч /гадна –тэд, дотор+тэд байхад энэ материал дээр хэдэн хэмийн дулаан алдалт явагдаж байгааг хэмжинэ/
Дүгнэлт:
- Захиргаа олон нийтийн барилгын цонхонд 4+12+4, 4+16+4, 4+9+4+9+4 хэмжээний шилэн багцуудыг ашиглахад дулаан алдагдал нь норматив шаардлагаас 48-94%-иар их байгаа нь цаашид хэрэглэх боломжгүйг харуулж байна.
- Орон сууцны барилгын цонхонд хоёр хөндийт шилэн багц хэрэглэх тохиолдолд гадна талдаа дулаан хамгаалах LOW-E шилтэй эсвэл хоёр талдаа И буюу К дулаан хамгаалах бүрээстэй шил хэрэглэх, мөн шилэн багцыг аргон хийгээр дүүргэх гэх мэт шинэлэг технологийг ашиглахгүй бол дулааны алдагдал нь норматив шаардлагаас 48-94%-иар их байна.
- Цаашид барилгын цонхны чанарт анхаарал хандуулж, олон нийт орон сууцны барилгад үндэсний стандартын шаардлага хангасан цонх тавиулах, цонхоор алдаж буй дулааны алдагдлыг бууруулж, эрчим хүчний алдагдалд хэмнэлт хийхэд анхаарч ажиллах шаардлагатай байна.
МОНГОЛЫН ЦОНХ ХААЛГА ҮЙЛДВЭРЛЭГЧДИЙН ХОЛБОО
