Иргэдийн хүсэн хүлээдэг арга хэмжээ “Барилга Экспо-2016”

Иргэдийн хүсэн хүлээдэг арга хэмжээ “Барилга Экспо-2016”

      Монгол Улсын барилгын салбарын өнөөгийн хөгжлийг тодорхойлдог "Барилга Экспо-2016" Олон Улсын үзэсгэлэн 2016 оны дөрөвдүгээр сарын 29-нөөс тавдугаар сарын 1-нд “Барилгын Материал, дэвшилтэт техник технологи”, тавдугаар сарын 6-8-ны өдрүүдэд “Орон сууц, үл хөдлөх хөрөнгө”-ийн чиглэлээр тус тус Мишээл Экспод найм дахь жилдээ болох гэж байна. Энэ жилийн тухайд Монгол Улсад барилгын салбар үүсч хөгжсөний 90 жилийн ойн хүрээнд болж байгаагаараа онцлог юм.

Жил бүр хүрээгээ тэлж, өргөжиж буй “Барилга Экспо 2016”-д 250 гаруй аж ахуй нэгжүүд өөрсдийн явуулж буй үйл ажиллагаа, орон сууц болон хамгийн сүүлийн үеийн барилгын салбарт нэвтэрсэн техник, технологи, бараа бүтээгдэхүүнийг танилцуулна. Эдгээрт дотоодын үйлдвэрлэгч, барилга угсралтын компаниуд төдийгүй Австри, БНХАУ, Өмнөд Солонгос, Герман, Хонконг, Япон, Орос, Турк, Тайван зэрэг дэлхийн олон улсын компаниуд оролцон, бараа материалынхаа үнийг 20 хүртэлх хувиар хямдруулж, шинээр баригдсан орон сууцны үнийг ч төлбөрийн нөхцөлөөс хамааруулан уян хатан болгожээ.

         Түүнчлэн үзэсгэлэнгийн өдрүүдээр сургалт, семинар, эрдэм шинжилгээний бага хурал, шинэ дэвшилтэт технологийн танилцуулга явагдана. Тухайлбал, "Полимер ба хэлбэржүүлсэн мембран ТехноНИКОЛЬ материал ашиглан барилгын дээвэр болон суурийг хамгаалах цогц шийдэл"-ийн үзүүлэх сургалт, “Материал судлал-Орчин үе” Эрдэм шинжилгээний бага хурал, "Үйлдвэрлэлд эрчим хүчийг ашигтай зарцуулах шийдэл", “Ус чийгний тухай ойлголт, ухагдахуун, ус чийгнээс хамгаалах тухай” сургалт, семинар зэрэг олон үйл ажиллагаа нэг дор болно.

           “Орон сууц, үл хөдлөх хөрөнгө”-ийн үзэсгэлэнд нийслэл хотод захиалга авч буй 100 гаруй шинэ орон сууцны танилцуулга, худалдаа болох бөгөөд зах зээлийн ханшийн хамгийн доод үнэлгээ буюу м/кв нь 1.300.000-аас эхлэх юм. Үзэсгэлэнд өндөр зэрэглэлийн орон сууц, хауснаас авахуулаад дахин төлөвлөлт болон найм, таван хувийн зээлд хамрагдаж буй орон сууцнууд багтсан. “Зөвхөн экспогийн үеэр хямдрах” орон сууцны хөнгөлөлт, төлбөрийн хаа ч байхгүй нөхцөл, дагалдуулан олгох машин, граж, иж бүрэн тавилга гээд бөөн бөөн урамшуулал, гарын бэлэг таныг хүлээж байна.

           Сонирхогч та бүхэнд барилгын салбарын маркетинг, зах зээлийн судалгаа явуулах, сургалт, семинарт хамрагдах, хямдрал, урамшуулалттай худалдаа хийх боломжийг олгож байгаа тул хүрэлцэн ирэхийг урьж байна.


 

“БАРИЛГЫН МАТЕРИАЛ, ДЭВШИЛТЭТ ТЕХНОЛОГИ”-ийн үзэсгэлэн (2016.04.29-05.01)

 

4-р сарын 29

12:00-13:00  “БАРИЛГА ЭКСПО-2016” Олон улсын үзэсгэлэн яармагийн нээлт

13:00-14:00  "Полимер ба хэлбэржүүлсэн мембран ТехноНИКОЛЬ материал ашиглан барилгын дээвэр болон суурийг хамгаалах цогц шийдэл"-ийн  үзүүлэх сургалт (Мишээл экспо төвийн гадна талбайд)

14:00-18:00 “ Материал судлал-Орчин үе”  Эрдэм шинжилгээний бага хурал ШУТИС-БАС, “Барилга Эм Эн” ХХК
 

4-р сарын 30

10:00-12:00  ГК ТЕХНОЦЕНТР "Үйлдвэрлэлд эрчим хүчийг ашигтай зарцуулах шийдэл" семинар

12:00-13:00  "Ноён Трейд" ХХК  "Конкревол хавтангийн онцлог, давуу тал" сургалт

13:00-16:00  “Энэмог” ХХК "Kohler- Байгаль хамгаалал" семинар
 

5-р сарын 1

10:00-13:00  "Полимерэн ба хэлбэржүүлсэн мембран ТехноНИКОЛЬ материал ашиглан барилгын дээвэр болон суурийг хамгаалах цогц шийдэл" семинар

 

“ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэн (2016.05.06-05.08)

 

5-р сарын 6

12:00-13:00  “ОРОН СУУЦНЫ БИРЖ” нээлтийн үйл ажиллагаа

 

5-р сарын 7

10:00-12:00  “Дарамбат” ХХК “Ус чийгний тухай ойлголт, ухагдахуун, ус чийгнээс хамгаалах тухай” сургалт, семинар

 

5-р сарын 8

14:30  “БАРИЛГА ЭКСПО-2016” олон улсын үзэсгэлэнгийн хаалтын ажиллагаа

 

Дэлгэрэнгүй мэдээллийг: http://www.barilgaexpo.mn/


Холбоотой мэдээ