Сүхбаатар, Чингэлтэй дүүрэгт зуслангийн газраа өмчлөх боломжтой

Сүхбаатар, Чингэлтэй дүүрэгт зуслангийн газраа өмчлөх боломжтой
     Нийслэл хотын ойр орчимд иргэдийн эзэмшиж буй зуслангийн газрыг өмчлүүлэхээр болсон билээ. Энэхүү шийдвэр гарсантай холбоотойгоор Сүхбаатар, Чингэлтэй дүүргүүдийн 26 байршилд нийт 18,216 нэгж талбарыг өмчлүүлэх цахим бүртгэл албан ёсоор эхэллээ. Зуслангийн зориулалтаар эзэмшиж буй газраа өмчлөх хүсэлтийг цахимаар хүлээн авч, анхан шатны хариуг өгөх ажээ.

     Хүсэлт гаргах иргэн нь www.land.ulaanbaatar.mn сайтаар дамжуулан өргөдлөө гаргах бөгөөд ингэхдээ өөрийн болон эзэмшил газрын талаарх мэдээллийг бүртгүүлэх юм. Ингэснээр тухайн газар нь өмчлөгдөх боломжтой эсэх, мөн тодорхой зөрчлийг арилгасны үндсэн дээр өмчлөгдөх хариуг холбогдох тайлбарын хамт хүлээн авна.

     Тухайн шаардлагыг бүрэн хангасан тохиолдолд холбогдох материалыг Сүхбаатар, Чингэлтэй дүүргүүдийн Өмч, газрын харилцааны албадад хүргүүлснээр газар өмчлөлийн асуудлаа шийдвэрлүүлэх боломжтой болно. Газар өмчлөлийг "ULAS" цахим системээр явуулна.

ЗУСЛАНГИЙН ГАЗАР ӨМЧЛӨХ БОЛОМЖТОЙ БАТЛАГДСАН 26 БАЙРШИЛ:
 


Дээрх 26 байршилд нийт 40,059 нэгж талбар байгаагаас 18,216 нэгж талбарыг өмчлүүлэх боломжтой гэсэн урьдчилсан тооцоо гараад байгаа ажээ.


 

Холбоотой мэдээ