2016 онд Ногоон барилгад ашиглагдах дэвшилтэт технологиуд

2016 онд Ногоон барилгад ашиглагдах дэвшилтэт технологиуд
     Ногоон барилгын технологийн хөгжил хурдацтай өсөн нэмэгдсээр. 2016 онд эрчим хүчийг өөрөө үйлдвэрлэж, агаарын чанарыг сайжруулснаар хүний насыг ч уртасгах давуу талтай барилга барих, хүрээлэн буй орчинд ээлтэй тийм барилгыг дэмжих технологийн хөгжилд томоохон үсрэлт гарах төлөвтэй байна. Иймд энэ онд барилгын салбарт нэвтрүүлэх барилгын шилдэг ногоон технологиудаас онцлон хүргэе.

Агаар цэвэршүүлэгч будаг



     Ногоон барилгын хувьд багасгасан хийгүйжүүлэлттэй будаг нь тодорхой стандарттай байдаг. Гэсэн хэдий ч орчин үеийн будгийн технологи нь давхар ялгаруулалт бүхий дэгдэмхий органик нэгдлүүдийн хэмжээг бууруулдаг аж. Азотын исэлтэй төстэй бохирдуулагчдыг задалдаг гэрэлтэй нэгтгэсэн титаны давхар ислийн хэт нарийн тоосонцроор хийгдсэн энэхүү будгийг барилгын салбарт тун удахгүй ашиглаж эхлэх нээ. Энэхүү технологиор бий болсон будгийг дээврийн хавтангаас гадна бусад төрлийн хавтанд ч ашиглаж болно. Энэ нь цаашдаа бүхэл бүтэн барилгын ашиглалтын үеийн бохирдлоос хамгаалах ирээдүй байгааг харуулах болно.

Эрчим хүчний хэмнэлттэй барилгын гадаргуу



     2016 онд барилгын гадна талын өнгө үзэмжийг архитекторууд улам чухалчлан, сонгодог болно. Барилгын шилэн гадаргуу нь үзэмжтэй, гэрлийн тусгалыг шилжүүлэх боломжтой байдаг ч энгийн шил нь ногоон барилгын хувьд тийм ч оновчтой сонголт биш гэнэ. Зарим архитекторууд барилгын эрчим хүчний зарцуулалтыг зохицуулах үүднээс гадна талыг дотор талаас нь хянах, гэрэл дулааныг тохируулах боломжтой шийдлийг сонгох, зарим нь барилгын гадаргууд эрчим хүчний үүсгүүр хавтанг ашиглах нь 2016 оны шинэ чиг хандлага боллоо.

Эрчим хүчний эерэг буюу тэг хэрэглээ



     Эрчим хүчийг хэмнэх нь зөвхөн ногоон барилгын тухайд яригддаг асуудал биш болжээ. Хүрээлэн буй орчны мэдрэмтгий шинж чанар нь эрчим хүчний эерэг хэрэглээ буюу тэг ашиглалт руу хандан чиглэж байгаа. Өөрөөр хэлбэл, ногоон барилга нь өөрийн эрчим хүчний хэрэглээг хангаж, илүүдэл цахилгаанаа гол шугам сүлжээ рүү нийлүүлэх ёстой. Ингэхийн тулд зөвхөн эрчим хүчний өндөр үр ашигтай барилга байгаад зогсохгүй нарны эрчим хүчний үүсгүүр хавтан, салхин хөдөлгүүр гэх мэт тухайн талбайд шийдэж болох цахилгаан үүсгүүрийн системийг хамтад нь шийдэж өгөх шаардлагатай болж байна.

Ногоон дээвэр



     Ногоон дээврийн технологи нь барилгын салбарт нэвтрээд удаагүй байгаа. Санаа төдий байсан энэ технологи үйл ажиллагааны системд нэвтэрч, арилжааны ногоон барилгын төслүүдэд хэдийнэ ашиглагдаж эхэллээ. Ногоон дээвэр гэдэг нь өвс ургамал бүхий ногоон орчныг цогцлоодог газрыг орлож байгаа хэрэг юм. Энэ нь дараах гурван үр ашгийг авчирна. Нэгдүгээрт, эрчим хүчийг хэмнэдэг маш сайн тусгаарлагч. Хоёрдугаарт, борооны усыг дахин ашигладгаараа усны зардлыг хэмнэх, усны хаягдлыг бууруулах сайн талтай. Гуравдугаарт, уламжлалт энгийн дээврээс хавьгүй удаан ашиглагдах ач холбогдолтой.

Эрүүл, ухаалаг барилга



     Ногоон барилгын хувьд экосистемд үзүүлэх сөрөг нөлөөг бууруулах нь хангалтгүй юм. Энэ нь хүмүүс дотор нь эрүүл, аюулгүй амьдрахад чухал үүрэг гүйцэтгэх ёстой. Төсөл тус бүр оршин суугчдынхаа эрүүл мэндэд сайнаар нөлөөлөх өөрийн гэсэн онцлогийг шингээсэн байдаг. Тухайлбал, цахилгаан шатны оронд явган шат хэрэглэх гэх мэт олон төрлийн арга бий. Мөн сандал хэрэглэхгүй, зогсоо ширээ ашиглах гэх мэт тавилгын дизайны сонголтоор хүний эрүүл мэндэд анхаарч, ногоон барилгын ач холбогдлыг нэмэгдүүлэх боломжтой.


Холбоотой мэдээ