Үндсэн хуулийн цэцийн дүгнэлттэй холбогдуулан арилжааны банкуудаас түр зогсоогоод байсан ипотекийн найман хувийн зээлийг хэвийн үргэлжлүүлэхээр боллоо. УИХ-ын чуулганы өнөөдрийн үдээс өмнөх нэгдсэн хуралдаанаар Үл хөдлөх эд хөрөнгийн барьцаа болон Иргэний хуульд нэмэлт өөрчлөлт оруулах тухай хуулийн төслийн анхны хэлэлцүүлгийг хийж, гишүүдийн 86 хувь нь дэмжсэнээр баталж, гишүүн Д.Дэмбэрэл, Ч.Хүрэлбаатар, Л.Цог, Ц.Даваасүрэн, Ц.Дашдорж, О.Баасанхүү, С.Ганбаатар нар дэмжсэнгүй. Хууль ийнхүү батлагдсанаар ипотекийн зээлийг хэвийн үргэлжлүүлэн олгох хууль эрх зүйн орчин бүрдэж байна.