Нарны эрчим хүч ашигладаг, ногоон дээврээр хучигдсан, 68,500 үзэгчийн суудалтай анхны томоохон цэнгэлдэх хүрээлэнг Сан-Франциско хотод байгуулахаар болжээ. Уг цэнгэлдэх нь томоохон тэмцээн зохион байгуулагдах үед цахилгааныг өөрөө үйлдвэрлэж, эрчим хүчний тэг хэрэглээг бий болгох хүчин чадалтай. “HTNB” компанийн зүгээс Levi’s хүрээлэнг гурван гол хүчин зүйлээр чухалчлан байгуулахыг зорьжээ. Үүнд, дэлхий дээрх хамгийн сүүлийн үеийн дэвшилтэт технологитой, байгаль орчинд хамгийн ээлтэй, үзэгчдэд зориулсан хамгийн тав тухтай цэнгэлдэх хүрээлэнг байгуулахаар зорьжээ.

     Калифорнид ургуулж бэлтгэсэн 8,230м дээвэр нь үзэгчдэд тав тухтай орчныг бүрдүүлээд зогсохгүй, температур тохируулж, үерийн хамгаалалтын далан сувгийн урсцыг удирддаг амьд ногоон дээвэр аж. Мөн нарны эрчим хүч үүсгүүр бүхий 1860кв/м орчим хавтангаас цахилгаан гарган авна.

      Түүнчлэн энэ нь ердийн цэнгэлдэх хүрээлэнг бодвол Лед болон байгалийн гэрэл, эрчим хүчний ухаалаг системийг ашигласан, нүүрстөрөгчийн ялгаруулалтыг эрс бууруулсан дэвшилтэт байгууламж болохоор зорьж байна.