Монгол Улсад Үндэсний сэтгүүлзүй үүсч хөгжсөний 103 жилийн ой энэ сарын 06-ны өдөр тохионо. Эл өдрийг угтан Нийслэлийн Засаг даргын Тамгын газар, Монголын Сэтгүүлчдийн нэгдсэн эвлэлтэй хамтран өнөөдөр “Ил тод Нээлттэй Улаанбаатар 1000 сэтгүүлчийн форум"-ыг анх удаа Соёлын төв өргөөнд зохион байгуулав. 

Тус форумаар Улаанбаатар хотын дөрвөн жилийн ажлыг тайлагнасан дүрс бичлэгийг үзүүлж, амжилт бүтээлтэй сэтгүүлч, хэвлэл мэдээллийн байгууллагад нийслэлийн болон Монголын Сэтгүүлчдийн нэгдсэн эвлэлийн шагнал гардууллаа. Мөн нийслэлийн удирдлагууд сэтгүүлчдийн асуултад нээлттэй хариулсан юм.