Аль ч улсын хөгжлийг илтгэгч нь барилгын салбар байдаг. Манай улсын тухайд тус салбарын талаарх бодит мэдээлэл, дуу хоолой болсон хэвлэл мэдээллийн “Топ” хэрэгсэл нь “Барилга.МН” сэтгүүл гэдэгтэй маргах хүн ховор биз. Бид та бүхэнд салбарын анхаарал татсан сэдэв, цаг үеийн мэдээлэл, хаанаас ч олохгүй судалгаа, шинжилгээний ажлыг үнэ төлбөргүйгээр хүргэн, гадаад дотоодын барилгын онцлох үйл явдлыг сорчлон мэдээлэхээс гадна “Хөндсөн сэдэв” дор шийдвэр хүлээсэн тулгамдсан асуудал, оршиж буй зарим дутагдал доголдлын талаар төр засгийн шийдвэр гаргагч, бодлого төлөвлөгчдөд мессэж болгон илгээсээр байгаа билээ. "Барилга.МН" сэтгүүлийн энэ сарын 70 дахь дугаар уншигч та бүхэндээ хүрэхэд бэлэн боллоо.

Энэ удаагийн дугаарт,

             Мишээл барилгын их дэлгүүр нээгдсэнтэй холбогдуулан “Мишээл Мега Молл” ХХК-ийн гүйцэтгэх захирал А.Хажидсүрэнгээс барилгын худалдааны өнөөгийн байдал, орон сууц, үл хөдлөх хөрөнгийн нэгдсэн мэдээллийн төв биржийн тухай болон олон улсын стандартад нийцсэн төрөлжсөн зохион байгуулалттай тэдний Барилгын Их Дэлгүүрийн талаар ярилцсан юм.

       "Барилга Эм Эн" нь бие даасан судалгаа шинжилгээ хийдэг бөгөөд Судалгааны албанаас цуврал болгон хүргэж байгаа “Онцлох судалгаа” буланд “Плитаны  зах зээлийн шинжилгээ”-г хийсэн байна. Мэргэжлийн дүн шинжилгээ, сонирхолтой мэдээллийг энэ чиглэлийн байгууллага, худалдаа наймаа эрхлэгч хэн бүхэнд тодорхой, ойлгомжтой байхаар бэлтгэлээ. Бидний хийж буй судалгааны ажлыг дэлгэрүүлэхийг хүсвэл бидэнд хандах нээлттэй гэдгийг дуулгахад таатай байна.


            
       Дугаарын зочин-Энэ бол сэтгүүлийн нэрийн хуудас болсон булангуудын нэг бөгөөд салбартаа хүлээн зөвшөөрөгдсөн, хийсэн бүтээсэн ажил арвин хэн нэгэн эрхэм хүнийг онцолдог. Гуравдугаар сарын дугаарын онцлох хүн “Үндэсний бүтээн байгуулалтын корпораци”-ийн ерөнхийлөгч, МУ-ын Гавъяат барилгачин, МУ-ын Зөвлөх инженер Б.Жүгдэр юм. Түүний ажлын гараа, салбарын он цагийн өөрчлөлт, ололттой тал, "Буянт-Ухаа" төсөл, ипотекийн зээлийн тухайд түүний байр суурь, салбарын төрийн бодлого, хот төлөвлөлт зэрэг уншигчдынхаа мэдэхийг хүссэн олон асуултад хариулт авахыг хичээлээ.


         
          Хуулийн булан-Энэ сарын эрэлттэй сэдвийн нэг нь яах аргагүй саяхан УИХ-аар батлагдсан Барилгын тухай хуулийн шинэчилсэн найруулгын талаарх мэдээлэл байлаа. Тус буланг Барилга.МН-ийн Хуулийн зөвлөх Г.Төмөрсүх хөтлөн явуулж байна. Энэ удаад тэр Барилгын Хөгжлийн Үндэсний Нэгдсэн Төвийн Удирдах зөвлөлийн дарга, уг хуулийн төсөл боловсруулахад оролцсон Г.Мягмараас тодруулга авчээ. Энэхүү мэдээллийг олж уншсанаар та Барилгын тухай хуулийн мэдээллийг бүрэн дүүрэн авч болох нээ.

           Барилгын салбарын 90 жилийн ойг тохиолдуулан бид энэ салбарт хүчин зүтгэж байгаагийнхаа хувьд “Түүхт 90 жилийн ойд” буланг нэгдүгээр сараас эхлэн хөтлөн явуулж байна. Үүнд, Б.Баясгалангийн “Ulaanbaatar than and now” номонд орсон түүхт зураг, түүхэн үйл явдал, дурдатгал зэрэг багтдаг билээ.

                Хотгор, товгор, элдэв хэлбэр дүрстэй барилгыг та зөвхөн гадны улс орноос л харж байсан биз дээ. Тэгвэл ийм өнгө төрхтэй гайхалтай архитектурыг гаргаж болох гадна фасад, тагтны материалыг “Рендер” компани Монголын зах зээлд нийлүүлж байгаа аж. Мэдээж илүү дэлгэрэнгүй мэдээллийг хаанаас авахаа та мэднэ....



          "Барилга.МН"-ийн өнгө төрх, таашаал өгч чаддаг булан бол “Интерьер”. Ажлын байрны нийтлэг, нэг хэвийн бүтцийг эвдсэн, шинэлэг, дээд зэрэглэлийн тав тухыг хангасан “2016 оны хамгийн загварлаг ажлын байр "Нью Йорк” толилуулж байна.


        Барилгын жиргээ, Нүүр хуудасны онцлох “Сошиал ертөнц” булан олонд хэдийнээ танигджээ.



          "Барилга.МН" сэтгүүл дээрх болон бусад сонирхолтой, цаг үеэ олсон, уншууртай мэдээллээр арвин. Тэдгээрээс өнгөц, товчлон танилцууллаа. Бидэнтэй хамт байдаг уншигч та бүхэндээ баярлалаа.