2015 оны 7-р сард гарсан Засгийн газрын тогтоолын дагуу Түрээсийн орон сууцны хөтөлбөрийн журмыг батлахад бэлэн болоод байна. Хөтөлбөрт 929 айлын орон сууцыг хамруулахаас “Буянт Ухаа 2” хорооллын 320 орчим байрыг түрээсийн орон сууцанд шилжүүлэв.

Цаашид амжилттай хэрэгжсэн тохиолдолд зөвхөн ТОСК-ийнх гэлтгүй хувийн орон сууцнуудыг ч хамруулах, тухайн иргэн сар болгон түрээсийн төлбөрөөс гадна 100 мянган төгрөгийг тогтмол төлж, хуримтлал болгон тодорхой эрх зүйн хүрээнд ипотекийн зээлийн урьдчилгаа 30 хувьд тооцуулах боломжийн талаар судлаж байгаа аж. 

Түрээсийн хугацааны тухайд одоогоор “5+2 жил” хугацааг баримталж байна. Үүнд цаашид өөрчлөлт оруулах боломжтой хэмээн албаныхан мэдэгдлээ. Хөтөлбөрт хамруулах 929 байр нь 52 тэрбум төгрөгөөр баригдсан, эдгээр нь 4.7 жилд түрээсийн зардлаа нөхөж барагдуулах юм.