Өнөөдөр Монгол дахь цементийн үйлдвэрлэл, үйлчилгээ эрхэлдэг аж ахуйн нэгжүүд нэгэн дор цуглаж, тэдэнд тулгарч буй бэрхшээл болон гарах гарцын талаар ярилцсан юм. Тус цементийн бизнес эрхлэгчдийн уулзалтанд Аж үйлдвэрийн яам, Барилга хот байгуулалтын яам, Сангийн яам, МҮХАҮТанхим, Гаалийн ерөнхий газар, Татварын ерөнхий газар, төрийн захиргааны байгууллага болон 10 гаруй компанийн төлөөлөл оролцлоо. 

     Уулзалтад цементийн бизнес эрхлэгчдэд тулгарч буй гааль, татвартай холбоотой хууль эрхзүйн орчны асуудал, санхүү эдийн засгийн орчин, зах зээлийн байдал гээд олон талын асуудлыг хөндөн ярилцаж, санал бодлоо солилцсон. Уулзалтыг МҮХАҮТ-ын Ерөнхийлөгч Б.Лхагважав удирдан явуулж, Цементийн бизнес эрхлэгчдийн холбооны тэргүүн Б.Баатар илтгэл тавьж оролцсон юм.