Архитектурын өвөрмөц онцлогтой шийдэл, тансаг хээнцэр өнгө төрхөөрөө нийслэл хотын бүтээн байгуулалтад өнгө үзэмж нэмж буй Шангри-Ла Төвийн талаар уншигч та бүхэндээ товч танилцуулъя. 2009 онд Монголын анхны өндөр зэрэглэлийн худалдааны төв, оффисийн хосолсон бүтээн байгуулалт Сэнтрал Тауэр цогцолборыг хамтран байгуулж байсан “Шангри-Ла” болон “М-Си-Эс” группуудын хоёр дахь том төсөл нь тус Шангри-Ла Төв юм. Энэхүү төвийг 2016 оны 3-р улиралд ашиглалтад бүрэн оруулахаар ажиллаж байна.

     Гэрлэх ёслолын ордны урдхан талд сүндэрлэн босч буй Шангри-Ла Төв нь таван одтой зочид буудал, худалдааны төв, “А” зэрэглэлийн оффис болон тансаг зэрэглэлийн орон сууц зэргээс бүрдсэн иж бүрэн, цогцолбор бүтээн байгуулалт байх юм. Эхний ээлжинд Шангри-Ла Зочид буудал нь ашиглалтад орж, үйл ажиллагаа нь хэвийн явагдаж эхэлсэн бөгөөд аль хэдийнэ их хотын иргэд, гадаадын зочид гийчдийн зорин очих дуртай газруудын нэг болоод байна.



     Их хотын төв гудамжинд, хамгийн тааламжтай байршилд баригдаж буй тус төв нь орчин үеийн архитектурын шийдэл, дэвшилтэт техник технологио ашиглан бүтээгдсэн олон улсын түвшний өндөр зэрэглэлийн барилга юм. Төслийн хамгийн чухал онцлог нь хүмүүсийн амьдралын хэв маягийг хялбарчилж, цаг хугацааг хэмнэх, дээд зэрэглэлийн үйлчилгээг хүртэх өргөн боломжийг олгож, бүх төрлийн үйлчилгээг нэг дор төвлөрүүлэхийг зорьсон  зохион байгуулалттай.

Шангри-Ла Худалдааны төв



    Шангри-Ла Худалдааны төв нь орчин үеийн, хамгийн шинэлэг худалдан авалтын тааламжтай орчныг хэрэглэгчдэд санал болгож байна. Та Монголдоо анхдагч IMAX кино театр үзвэр үзэж, олон төрлийн сонголт бүхий зоогийн газруудаар үйлчлүүлэх боломжтой. Худалдааны төв нь олон улсад хүлээн зөвшөөрөгдсөн брэндүүд, энтертайнмент үйлчилгээг нэгэн дээвэр дор бүрдүүлсэн тул үйлчлүүлэгчид гэр бүлээрээ зорин очиж, цагийг таатай өнгөрүүлэхэд төгс зохицсон газар болно.

Шангри-Ла Оффис



     Өндөр бүтээмжтэй, тав тухтай, аюулгүй орчинд ажиллах нөхцөлийг дээд зэргээр хангасан Шангри-Ла Оффис хаалгаа нээх цаг хаяанд ирснийг дуулгая. Энэхүү оффист хамгийн сүүлийн үеийн техник технологи, интерьерийн өвөрмөц гоёмсог шийдлүүдийг ашигласан нь шинэ цагийн амжилттай яваа бизнесмэн, байгууллагуудад таатай байх болов уу. Бизнес эрхлэгч та бүхэнд нийслэлийн төв цэг дэх оновчтой байршил, мэргэжлийн багийн чанартай үйлчилгээг  цогцоор нь санал болгож байна.

Спорт Клуб     



     Амарч алжаалаа тайлах, эрч хүчээ нөхөн сэргээх, чөлөөт цагаа үр бүтээлтэй өнгөрөөх хэрэгцээг тань бүрэн хангахуйц олон төрлийн үйлчилгээ бүхий спорт цогцолбор энд бий. Иж бүрэн тоноглогдсон бялдаржуулах төв, усан бассейн, йогийн танхим, пилатес дасгалын заал, жакузи, уурын саун болон аюулгүй байдлыг бүрэн хангасан хүүхдийн бассейн, тоглоомын өрөө зэргийг олон улсын жишиг стандартын дагуу эрүүл ахуй, чанарын өндөр түвшинд тоноглож, тохижууллаа.

     Та бизнесийнхээ цар хүрээг өргөжүүлж, байгууллагынхаа нэр хүндийг өсгөн нэмэгдүүлэх хүсэлтэй байгаа бол энэхүү боломж нээлттэй байгааг мэдэгдэхэд таатай байна. та өөрийн хүссэн орон зай, нэр хүндийг Шангри-Ла Оффис болон Худалдааны төвд бий болгоорой. Танд амжилт хүсье.