Наадмын маргааш намар эхэлж, хэн хүнгүй өвлийг өнтэй давах бэлтгэлээ базааж эхэлдэг энэ цаг үед орон байраа авахаар зэхэж буй иргэд та бүхэнд хэрэгтэй “Орон сууц, барилгын материалын үзэсгэлэн худалдаа” 2016 оны 8-р сарын 5-7-ны өдрүүдэд Мишээл барилгын их дэлгүүр дэх Орон сууцны биржид болох гэж байна.

“Орон сууцны бирж”, “Мишээл барилгын их дэлгүүр”-ийн хамтран зохион байгуулж буй уг үзэсгэлэнд хүрэлцэн ирснээр сонирхсон байрныхаа интерьер заслыг “360” шоурүүмээр дэргэдээс нь мэт харж, байр худалдан авах хууль эрхзүйн зөвлөгөө, үл хөдлөх хөрөнгө зуучлалын цогц мэдээллийг нэг дороос авч, үнэт цагаа хэмнэх боломжтой. Түүнчлэн Улаанбаатар хотод хэрэгжиж буй орон сууцны 100 гаруй төслийн мэдээлэлтэй танилцангаа тэдгээрээс ипотекийн болон компанийн өөрийн зээлд хамрагдах нөхцөл, төлбөрийн уян хатан нөхцөлүүдийн мэдээлэл авах, урамшуулал хямдралтай байрнуудаас сонголтоо хийх боломжийг тус үзэсгэлэн худалдаа иргэддээ олгож байна. 

Мөн барилгын материал үйлдвэрлэгч, импортлогчдын өндөр чанартай, өргөн сонголттой бараа бүтээгдэхүүнтэй танилцаж, мөрөөдлийн байшингаа босгох бүх төрлийн материалыг эндээс сонгоорой.

Зөвхөн үзэсгэлэнгийн өдрүүдэд дэлгэгдэн танилцуулж буй орон сууц, барилгын материалууд хямдрал, урамшуулалтай байх болно.

Орон сууц, барилгын материалын худалдаа явагдах, бүх төрлийн мэдээллийг цогцоор нь өгөх үзэсгэлэн худалдаанд хүрэлцэн ирэхийг урьж байна.