Д.Баярцэцэг: Энэ бол миний сонголт

Д.Баярцэцэг: Энэ бол миний сонголт
         “Атмор” ХХК-ийн Барилгын инженер Д.Баярцэцэг
 
-Юун түрүүнд Barilga.mn-ийн уншигчдад өөрийгөө танилцуулна уу?
 
Сайн байцгаана уу. Намайг Дуваагийн Баярцэцэг гэдэг. Хэнтий аймгийн Хэрлэн суманд төрж өссөн.  ШУТИС-д Иргэний ба үйлдвэрлэлийн барилгын инженер мэргэжлээр сурч төгсөөд өдгөө мэргэжлээрээ 2 дахь жилдээ ажиллаж байна.
 
Ер нь бага байхаас 2-с дээш давхар барилга шинээр баригдсан эсвэл өндөр барилга харахаараа л орж үзнэ гээд хөдөлдөггүй хүүхэд байсан гэлцдэг. Энэ мэргэжлийг өөрийн сонголтоор сонгосон.


-Залуухан бүсгүй хүний хувьд яагаад заавал эрчүүдээр илүүтэй төсөөлөгддөг энэ салбарт орох болсон юм бэ? Иргэний ба үйлдвэрлэлийн барилгын инженер хэмээх мэргэжлийг сонгоход юу нөлөөлсөн бэ?
 
Барилга байгууламж, инженер гэхээр л эрчүүдээр төсөөлөгдөх нь  одоогийн 21-р зуунд миний бодлоор өрөөсгөл ойлголт.  Миний ээж залуудаа аймгийнхаа Усны аж ахуйд /одоо бол татан буугдсан/ арматурчин хийдэг байсан, харин том ах маань сантехникийн инженер.  Ер нь бага байхаас 2-с дээш давхар барилга шинээр баригдсан эсвэл өндөр барилга харахаараа л орж үзнэ гээд хөдөлдөггүй хүүхэд байсан гэлцдэг. Энэ мэргэжлийг өөрийн сонголтоор сонгосон. Мөн тухайн үед манай аймагт Засаг даргын нэрэмжит тэтгэлэгт мэргэжлүүдийн жагсаалтад багтсан байсан нь түлхэц үзүүлсэн. Ер нь энэ мэргэжил өөрөө намайг сонгосон гэхэд бараг болно гэж бодож явдаг шүү. Иймдээ ч дөрвөн жилийн хугацаандаа тэтгэлэг авч суралцаж төгссөн.

Энэ мэргэжлийг сонгосноор би алсдаа түших дотнын сайхан анд нөхөд, амьдралын сайн хань болон хамгийн сайхан элэгсэг хамт олонтой болж, маш сайн сайхан, чадварлаг хүмүүстэй танилцаж нөхөрлөж, тэднээс суралцаж өөрийн амьдралын түүхийг бичиж зөв замаар алхаж яваагаа өдөр тутамд мэдэрдэг.


-Нас залуу “Барилгын инженер” хэмээх алдар хүртсэн таны хувьд энэ салбарт хэцүү бэрхшээлтэй зүйл олон байв уу? Тэдгээр саад тотгор дундаасаа олсон ололт амжилтынхаа тухай яриач.
 
Бусдын адил одоог хүртэл суралцаад л явж байна. Бэрхшээлтэй зүйл мэдээж маш олон гарч ирсэн л дээ. Эмэгтэй хүний хувьд барилгын зургийн инженер хийх нь биед амар гэж ярьдаг ч, надад бол барилгын талбай дээр ажиллах нь бусадтай харилцах, практик дадлага туршлага олж авах тал дээр илүү давуу талтай, сонирхолтой санагддаг. Барилгын талбай дээр олон хүмүүс ялангуяа эрчүүдтэй нүүр тулж ажиллана. Нэгэн зэрэг олон бригад компаниудын үйл ажиллагааг зохицуулах, хоорондын уялдаа холбоог нь сайжруулах, материалын захиалгыг цаг тухайд нь зөв тооцоолон гаргах, графикт тусгасан ажлаа хугацаандаа хийж амжих, зарим тохиолдолд алдаатай хийсэн ажлыг нь засуулах гэж шаардлага тавих үед зөвөөр хүлээж авахгүй, үл ойлголцох зэрэг бэрхшээл их гардаг. Энэ мэтчилэн бүхий л асуудлыг зохицуулж, инженер хүний үүрэг, хариуцлагаа нэг нэгээр, алхам алхмаар эзэмшиж урагшилж алхаж чадаж байгаа маань л ололт юм даа.
 
Энэ мэргэжлийг сонгосноор би алсдаа түших дотнын сайхан анд нөхөд, амьдралын сайн хань болон хамгийн сайхан элэгсэг хамт олонтой болж, маш сайн сайхан, чадварлаг хүмүүстэй танилцаж нөхөрлөж, тэднээс суралцаж өөрийн амьдралын түүхийг бичиж зөв замаар алхаж яваагаа өдөр тутамд мэдэрдэг.
 
 
-“Атмор” ХХК бол энэ салбарын тэргүүлэгчдийн нэг. Энэхүү том компанид хэрхэн орох болов?
 
Анх төгсөөд “Эм Би Эф” ХХК-д жил ажиллаж байгаад “Атмор” ХХК-д орсон. Ажлын зарын дагуу анкет бөглөж, хоёр үе шатны ярилцлага өгч, орсон.
 
-“Атмор” компанийг иргэд төвийн шугам, сүлжээнд холбогдоогүй айл өрх, албан байгууллагын бохир, халаалт, цэвэр усны хангамж гэсэн сантехникийн асуудлыг цогцоор нь шийддэг гэдгээр нь сайн мэддэг. Тэгвэл таны ажил үүргийн тухайд?
 
“Атмор” групп нь дотроо олон чиглэл, салбаруудтай. Түүний нэг нь төвийн шугам сүлжээнд холбогдоогүй айл өрх, албан байгууллагын бохир, халаалт, цэвэр усны хангамж гэсэн сантехникийн асуудлыг цогцоор нь шийддэг. Мөн Барилга, Эрдэнэт эко төрөл, шинэ сум төсөл гэх мэт бий.

Миний хувьд Барилгын салбарт “Сумандаа сайхан амьдаръя” төслийн хүрээнд аймаг хөдөө орон нутагт орон сууцны барилгыг барьж иргэд, малчдаас захиалга аван 8 хувийн ипотекийн зээлд хамруулж хөдөө, сум орон нутагтаа хотод амьдарч буй мэт тав тухтай орчинг бэлэглэх ажилд гар бие оролцож байна. Манай компани нь Сүхбаатар аймгийн Баяндэлгэр, Уулбаян, Түмэнцогт, Хөвсгөл аймгийн Мөрөн хот, Завхан аймгийн Улиастай хот, Төв аймгийн Батсүмбэр, Орхон аймгийн Эрдэнэ хот, Баянхонгор аймгийн Баянлиг, Байдраг, Бууцагаан гэхчлэн олон сум орон нутагт төслөө хэрэгжүүлэн ашиглалтад оруулж, амжилттай ажиллагсаар байна. Энэ төслийн Батсүмбэр суман дахь 27 айлын орон сууцны барилгын талбайн хяналтын инженерээр болон барилгын төсөв гаргах ажилд оролцон өөрийгөө хөгжүүлж, Барилга Хөгжлийн Төвийн сургалтад хамрагдан хувийн судалгаа хийн ажиллаж байна.
 
-Хийж гүйцэтгэсэн ажлуудынхаа тухай товчхон яривал?
 
Оюутан байхын нэгдүгээр курсээсээ эхлэн ажиллаж байна. Нэгэн зургийн компанид 270 хүүхдийн цэцэрлэг, сургуулийн барилга, метал бүтээцэн 1 давхар барилгын зургийг зурж, сургуулиа төгсөх хүртлээ ажилласан. Иргэн З.Цацралын зочид буудлын барилга, каракас угсралт, иргэн Цэнджавын авто машины 4 давхар зогсоолын барилгын каракас угсралтын ажлыг хийж гүйцэтгэсэн. Одоо Атмор компанийн Төв аймгийн Батсүмбэр сумын 27 айлын орон сууцны барилгын угсралтын ажилд Хяналтын инженерээр ажиллаж байна.
 
-Баярлалаа. Таньд цаашдын ажил, үйлсэд тань өндрөөс өндөр амжилтыг хүсье. 




 

Холбоотой мэдээ