“АВЬЯАСЛАГ ЦОНХ ҮЙЛДВЭРЛЭГЧИД” урлагийн бага наадмын эхний шалгаруулалт боллоо
Монголын Цонх Хаалга Үйлдвэрлэгчдийн Холбоо санаачлан Барилга хот байгуулалтын яам, Монголын Барилгын Үйлдвэрчний Эвлэлийн Холбоо хамтран “Цонхны чанараас барилгын хөгжил” уриан дор “АВЬЯАСЛАГ ЦОНХ ҮЙЛДВЭРЛЭГЧИД” урлагийн бага наадмыг зохион байгуулж байгаа билээ. Энэхүү наадлмын эхний шатны шалгаруулалт Үйлдвэрчний эвлэлийн соёлын төв оронд амжилттай болж өнгөрлөө.
Монгол улсад барилгын салбар үүсэж хөгжсөний “ТҮҮХТ 90 ЖИЛ”-ийн ойг тохиолдуулан барилгын чухал хийц болох цонх хаалга, шилэн бүтээц үйлдвэрлэгчдийн нуугдмал авьяас, ур чадварыг нээн илрүүлж, дэмжих, үйлдвэрлэгчдийн хамтын ажиллагаа, нөхөрлөл, эв нэгдлийг бэхжүүлэх, барилгын салбарт таниулах, мөн салбарын 90 жилийн ойн хүрээнд зохион байгуулагдах урлагийн их наадамд цонх, хаалга, шилэн бүтээц үйлдвэрлэгчдийг төлөөлөн оролцох авьяастнуудыг тодруулах зорилготой гэдгийг МЦХҮХ-ны Тэргүүн С.Ганзориг дурдаж, хамтран зохион байгуулж байгаа БХБЯ, МБҮЭХ, Мэдээллийн ерөнхий ивээн тэтгэгч “Барилга Эм Эн” ХХК-ийн хамт олон болон Ивээн тэтгэгч “Анжел стар” ХХК, “Их азар” ХХК, “Актив хийц” ХХК, “Гурван буга” ХХК, “Үлэмж” ХХК, “Шилэн хийц” ХХК, “Гэр групп” ХХК-ийн Монпласт брэнд, “Дега Монгол” ХХК, “Пийс алюминум” ХХК, “Нью виндөү” ХХК болон зохион байгуулж буй ажлын хэсэгт талархсанаа илэрхийлэв.
Урлагийн бага наадамд нийтдээ 19 компанийн 50 гаруй авьяастнууд оролцож урлагийн 5 төрөлд өөрсдийн авьяас, ур чадвараа харуулж шүүгчид, үзэгчдийн алга ташилтын дор “Гала” тоглолтод оролцох эрхийн эздээр тодорлоо.
Монгол улсад МЭРГЭЖЛИЙН ХОЛБОО АНХ удаа салбартаа “АВЬЯАСЛАГ ЦОНХ ҮЙЛДВЭРЛЭГЧИД” урлагийн бага наадмыг санаачлан, энгийн ардын дунд АВЬЯАС нуугдаж байдгын жишгээр бүтээн байгуулалтын нүсэр ажлын арын фронтод бүх л сэтгэлээ зориулан ажиллаж, хөдөлмөрлөж байдаг цонх хаалга, шилэн бүтээц үйлдвэрлэгчдийн дундаас АВЬЯАСТАН-г эрж, хайх урлагийн бага наадмыг амжилттай зохион байгуулж байна. Цаашид салбар бүр дотооддоо авьяастнуудыг тодруулж, улсын хэмжээнд дэх урлагийн томоохон арга хэмжээ болгох санаачлагыг эхлүүлж байгаа аж.
Монголын цонх хаалга үйлдвэрлэгчдийн холбооны санаачлан, уриалсан энэхүү урлагийн арга хэмжээний эхлэл салбар бүрийн МЭРГЭЖЛИЙН ХОЛБОО-дийн үйл ажиллагааны нэг чиглэл болж, олон салбарт хэрэгжиж, уламжлал болох болтугай.
Шалгарсан оролцогчиддоо “ГАЛА” тоглолтод нь амжилт хүсье.
“Гала” тоглолт нь 2016 оны 05 сарын 13-ний өдрийн 18 цагт Цэргийн дуу бүжгийн эрдмийн чуулгад болно. Билетийн үнэ 5000 төгрөг. Үзэгчид та бүхнийг урьж байна.
ДЭЛГЭРЭНГҮЙ МЭДЭЭЛЛИЙГ:
ВЕБ САЙТ: WWW.BARILGA.MN, WWW.MCUD.GOV.MN
ПЭЙЖ ХУУДАС: MONGOLIAN WINDOWS AND DOORS MANUFACTURERS ASSIOCATION
И-МЭЙЛ: windows_doors2007@yahoo.com
УТАС: 460054, 91928731, 91915615
