Монгол Улсад барилгын салбар үүсч хөгжсөний 90 жилийн ойн хүрээнд зохион байгуулагдсан “Барилга Экспо 2016” Олон Улсын үзэсгэлэн найм дахь жилдээ болж өндөрлөлөө. Үзэсгэлэнгийн хаалтын ёслол хүндэтгэлийн үйл ажиллагаанд “Барилга Эм Эн” ХХК-ийн УЗ-ийн Дарга Г.Батсүх, Монголын Барилгын Хөгжлийн Үндэсний Нэгдсэн төвийн УЗ-ийн Дарга Г.Мягмар, МБИХ-ны Ерөнхийлөгч Б.Гүнболд тэргүүтэй албаны төлөөллүүд оролцсон юм.

Энэ үеэр “Барилга Экспо 2016” ОУ үзэсгэлэнгийн Ерөнхий ивээн тэтгэгч “Эм Си Лог Хаус” ХХК болон “NCD Group” ХХК-д талархан, өргөмжлөл гардуулав.
 

Ивээн тэтгэгч “Эм Си Лог Хаус” ХХК
 

 

Мөн үзэсгэлэнд оролцогчдоос шилдгүүдийг зарлаж, шагнал гардуулсан юм. Үүнд,
-Шилдэг төсөл, хөтөлбөр хэрэгжүүлэгч-“ЭРИН ИНТЕРНЭЙШНЛ” ХХК
-Шилдэг үйлдвэрлэгч-“ЭМ СИ ЛОГ ХАУС” ХХК
-Шилдэг ханган нийлүүлэгч-“ОНДИЛТ” ХХК
-Шилдэг дэвшилтэт технологи нэвтрүүлэгч-“МОНХОРУС ИНТЕРНЭШНЛ” ХХК
-Шилдэг бүтээгдэхүүн- “МАК” Монгол алт корпорацийн хийт бетон тус тус шалгарсан бол
“Барилгын материал”-ын үзэсгэлэнгийн “Шилдэг оролцогч”–оор “ЭНЭМОГ” ХХК /KOHLER/, “Орон сууц, үл хөдлөх хөрөнгө”-ийн үзэсгэлэнгийн “Шилдэг оролцогч” – “ТЕСО КОНСТРАКШН” тус тус шалгарч, өргөмжлөл, цомын эзэд боллоо.

Шилдэг төсөл, хөтөлбөр хэрэгжүүлэгч-“ЭРИН ИНТЕРНЭЙШНЛ” ХХК

Сургууль, цэцэрлэг, үйлчилгээний төвийн цогцолбортой 2000 гаруй айлын орон сууцны “ЭРИН ХОРООЛОЛ” төслийг хэрэгжүүлэгч “ЭРИН ИНТЕРНЭЙШНЛ” ХХК
 
Шилдэг үйлдвэрлэгч-“ЭМ СИ ЛОГ ХАУС” ХХК
Тайвань улсын шилдэг технологи бүхий өндөр хүчин чадалтай техник, тоног төхөөрөмжөөр иж бүрэн тоноглогдсон цахим удирдлага бүхий “Наамал дүнзэн байшин” болон мод, модон эдлэлийн үйлдвэрлэл, худалдаа эрхлэгч “ЭМ СИ ЛОГ ХАУС” ХХК

-Шилэг ханган нийлүүлэгч-“ОНДИЛТ” ХХК
ОХУ-ын “ТехноНИКОЛЬ” корпорацийн шинэ технологи болох “Полимер ба мембран”-ыг Монголдоо албан ёсоор анх удаа нэвтрүүлсэн “ОНДИЛТ” ХХК
 
Шилдэг дэвшилтэт технологи нэвтрүүлэгч-“МОНХОРУС ИНТЕРНЭШНЛ” ХХК
Зай талбай, эрчим хүчний хэрэглээг хэмнэсэн дэвшилтэт технологийг ашиглан Монгол орны уур амьсгал, түгээх сүлжээний техникийн шаардлагад 100 хувь нийцсэн иж бүрдэл, компакт дэд өртөөг зах зээлд нэвтрүүлсэн “МОНХОРУС ИНТЕРНЭШНЛ” ХХК
 
Шилдэг бүтээгдэхүүн- “МАК” Монгол алт корпорацийн хийт бетон 
Дуу чимээ, дулаан хадгалалт сайтай, бат бэх, зүсэлтийн нарийвчлалтай, гал, ус чийгэнд тэсвэртэй, хэмжээний өргөн сонголт бүхий байгал орчинд ээлтэй ХИЙТ БЕТОН “Евро блок”-ыг Герман технологиор Монголдоо үйлдвэрлэж буй “МАК” Монгол алт корпораци

“Барилгын материал”-ын үзэсгэлэнгийн “Шилдэг оролцогч”–оор “ЭНЭМОГ” ХХК /KOHLER/
Техник технологийн гайхамшигт ололтуудыг шингээсэн KOHLER болон SMEG тэргүүтэй дэлхийн брэндүүдийн бараа бүтээгдэхүүнийг Монголын хэрэглэгчдэд цаг алдалгүй, чанартай, баталгаат хугацаатай, өргөн сонголттойгоор хүргэж буй “ЭНЭМОГ” ХХК

“Орон сууц, үл хөдлөх хөрөнгө”-ийн үзэсгэлэнгийн “Шилдэг оролцогч” – “ТЕСО КОНСТРАКШН”
Монгол Улсын хөгжил дэвшлийн нүүр царай болсон барилга, бүтээн байгуулалтын салбарын хөгжилд хувь нэмэр оруулан, эмнэлэг, сургууль, цэцэрлэг, авто зогсоол, тоглоомын талбай, спорт цогцолбор зэргийг цогцоор нь шийдсэн 3,520 айлын “СОДОН” стандарт цогцолбор хорооллыг байгуулж буй “ТЕСО КОНСТРАКШН”

          Шилдэг үйлдвэрлэгч - “ЭМ СИ ЛОГ ХАУС” ХХК-ийн Гадаад харилцаа хариуцсан захирал Б.Билгүүн, Манай компани 2015 оны есдүгээр сард болсон Барилга Экспод анх удаагаа оролцож, “Шилдэг техник нэвтрүүлэгч” шагналыг авч байсан. Энэ жилийн тухайд “Барилга Экспо 2016” ОУ үзэсгэлэнийн ивээн тэтгэгчээр оролцож, улмаар “Шилдэг үйлдвэрлэгч” шагналыг авлаа. “Эм Си Лог Хаус” ХХК нь 50 жилийн өмнө Канадаас гаралттай дүнзэн модон байшингийн технологийг Монголд анх удаа нэвтрүүлсэн. Бид модон шал, хаалга, тавилга зэрэг бүх төрлийн бүтээгдэхүүнийг үйлдвэрлэж байна. Хамгийн гол бүтээгдэхүүн нь наамал дүнзэн байшин байгаа. 

      Шилдэг оролцогч - “ТЕСО КОНСТРАКШН”-ийн Борлуулалтын менежер Э.Өнөрсавли, “Барилга Экспо 2016” ОУ үзэсгэлэнд оролцож, “Шилдэг оролцогч”-оор шалгарсандаа маш их баяртай байна. Содон хороолол маань Монголын анхны стандарт цогцолбор 3,520 айлын орон сууцны хороолол. Энэхүү төслийг гурван ээлжээр нийт 6,7 га газрыг хамарсан талбайтай, 16 давхар, 15,5 блок, 31 орцтой, 640 хүүхдийн улсын дунд сургууль, 400 хүүхдийн улсын цэцэрлэгтэй, спорт цогцолбор, үйлчилгээний төв гээд бүрэн хэмжээний цогц хороолол юм. 2013 оноос эхлэн барилгын ажил эхлэж, таван блок барилга бүрэн ашиглалтад оруулсан. Энэ таван сард 2 блок нь ашиглалтад орно.

"Барилга Экспо 2016" ОУ үзэсгэлэнг үзэж сонирхсон салбарын инженер, техникийн ажилтнууд, архитекторууд, барилгын гүйцэтгэгч, материал үйлдвэрлэгчид, бизнес эрхлэгчид болон нийт иргэд та бүхэнд баярлалаа.