“Real Properties Ulaanbaatar” компани нь үл хөдлөх хөрөнгийн зах зээлийн судалгааг 2013 оноос хойш сар бүр тогтмол гаргасаар ирсэн. Өнгөрсөн хугацаанд орон сууцны 1 ам метрийн дундаж үнийн өөрчлөлтийг харьцуулан гаргасан тус компанийн дүгнэлтийг харвал:



     2013 оны 01 сард 1 ам метр нь 1,900,000 төгрөгийн дундаж үнэтэй байсан бол 2013 оны 06 сард 8 хувийн ипотекийн зээл олгогдож эхэлснээс хойш  огцом өсч, 1 жил 8 сарын дараа  2014 оны 07 сард 2,405,000 төгрөгийн үнэтэй болж, 2013 оны 01 сартай харьцуулахад 1 ам метрийн үнэ 550,000 төгрөгөөс өссөн дүнтэй гарчээ. Харин 2015 оны 09 сарын үнийг өмнөх оны мөн үетэй харьцуулахад 1 ам метрийн үнэ 123,000 төгрөгийн бууралттай байна.



     Шинэ орон сууцны үнийн хөөсрөлт хагарах шинж ажиглагдаж эхэлж байгаа боловч яг бодит хагарал эхлээгүй гэж тус компанийн судлаачид үзжээ. 8 хувийн ипотекийн зээл олгож эхлэхийн өмнөх үеийн дундаж үнэд хүрэхийн тулд дахин 427,000 төгрөгөөр хямдрах хэрэгтэй болж байгаа аж.