Цемент бол барилгын материалын гол орц. Манай улсад барилгажилт эрчимтэй явагдаж байгаа өнөө үед цементийн дотоодын хэрэгцээгээ хангаж чадахгүй байгаа. Ирэх онд  жилд 2,4  сая, 2018 онд 3.9 сая тонн цемент үйлдвэрлэх шинэ үйлдвэрүүд ашиглалтад оруулах төлөвлөгөөтэй байгаа. Ингэснээр цементийн эрэлт нийлүүлэлт тэнцвэржих болно. Гэвч энэ бол ирээдүйн төлөвлөгөө.

Одоогийн байдлаар үнэ нь өссөөр байна. Гаалийн татвар өнгөрөгч сард 5 хувь байснаас 9-р сарын 4-ний байдлаар 20 хувьд хүрсэн. Улмаар энэ сарын 8-ны өдөр гаалийн жишиг үнийг 62-55 доллар болгон бууруулах шийдвэрийг Гаалийн Ерөнхий Газраас гаргасан. Өнгөрөгч сард цементийн үнэ 160 мянга байсан бол өнөөдрийн байдлаар 170 мянгад хүрч, ширхэгийн үнэ нь 8000-8500 төгрөг болон тус тус 6 хувиар өссөн үзүүлэлттэй байна.

Ийнхүү цементний үнэ өсөх болсон шалтгааныг барилгын материалын худалдаа эрхлэгчдийн зүгээс Монголд  үйлдвэрлэгдэж байгаа барилгын материалууд дийлэнх нь борлуулагдахаа больж, Орос, Хятад улсын материалууд давамгайлах болсноор валютын ханшаас хамааран үнэ хэлбэлзэх болсон гэсэн мэдээллийг өглөө.