Нийслэл хотын өвөлжилтийн бэлтгэл ажлыг хангах засвар, шинэчлэлийн ажлыг яаравчилж, хугацаанд дуусгах ажлыг холбогдох байгууллагуудад нь даалгаж, Нийслэлийн засаг дарга бөгөөд Улаанбаатар хотын дарга Э.Бат-Үүл захирамж гаргажээ. 2015-2016 оны өвөлжилтийн бэлтгэл ажлыг “Улаанбаатар Дулааны сүлжээ” ТӨХК, “Улаанбаатар Цахилгаан түгээх сүлжээ” ТӨХК, “Орон сууц, нийтийн аж ахуйн удирдах газар”,  “Хэсэгчилсэн инженерийн хангамжийн удирдах газар”, “Ус сувгийн удирдах газар”, “нийслэлийн Авто замын газар” болон бусад инженерийн хангамжийн байгууллагууд тус тус хариуцан ажиллаж байгаа юм.

     Түүнчлэн хотын хэмжээнд өвөлжилтийн бэлтгэл ажил хангагдсан эсэхийг хянах, дүгнэх, үнэлгээ өгөх зорилготой Улаанбаатар хотын Ерөнхий менежерийн нэрэмжит үзлэгийг зохион байгуулахаар төлөвлөжээ.