Бүтээн байгуулагчиддаа баярын мэнд хүргэе

Бүтээн байгуулагчиддаа баярын мэнд хүргэе
Мэндчилгээ

     Эх орныхоо хөгжил дэвшлийн нүүр царай, бодит биелэл нь болж байдаг бүхий л барилга бүтээн байгуулалтыг гардан гүйцэтгэж, шинээр бий болгодог алдар гавьяат, баялаг бүтээгч нийт барилгачид та бүхэндээ Монгол улсад барилгын салбар үүсэж хөгжсөний 89 жилийн ойн баярын мэндийг өргөн дэвшүүлье.

     Хөгжил дэвшлийн 89 жилийн түүхийнхээ хугацаанд манай үе, үеийн барилгачид оюун ухаан, цуцашгүй хөдөлмөр зүтгэл, мэргэжлийн өндөр ур чадвар гарган улс орныхоо төв, орон нутагт, өнцөг булан бүрт хот, сууринг цоо шинээр бий болгон, жилээс жилд өргөжүүлэн хөгжүүлсээр өнөөгийн өндөрлөгт хүрч ирсэнийг бахархан баярлаж, хайрлан хүндэтгэх нь зүйн хэрэг билээ.

     Тиймээс ч энэ ойн баяр нь манай бүх ард түмний хүндэтгэдэг баяр байдаг. Манай барилгачид 21-р зууны 15 дахь онд барилга бүтээн байгуулалтын үйл хэрэгтээ амжилт, ялалтад итгэл төгс байж, олон улсын шинэлэг дэвшилттэй, техник технологи болон стандартыг үйл ажиллагаандаа нэвтрүүлж, эх орныхоо хөгжил цэцэглэлтэд улам их хувь нэмэр оруулахын төлөө, хүний эрүүл мэнд байгаль орчинд ээлтэй ногоон барилгын системийг амьдралд бодитойгоор нэвтрүүлэхийн төлөө ажиллаж байгаа билээ.

     Цаг үеийн эдийн засгийн бэрхшээлт байдлыг нэр төртэй даван туулж, аль ч цаг үед бүтээн байгуулагч байдаг барилгачин та бүхэндээ ажлын амжилт, эрүүл энх баяр баясгаланг хүсэн ерөөе.

     Манай  сэтгүүлийн хамт олон нийт барилгачин Та бүхнийхээ мэргэжил, мэдлэгт тань тустай олон талт мэдээллийг цаг алдалгүй хүргэж урьдын адил идэвх санаачлагатай ажиллахаа илэрхийлж байна.

Сайн үйлс дэлгэрэх болтугай

Барилгын Зөвлөгөө Мэдээллийн Төвийн хамт олон,
Барилга.МН сэтгүүлийн редакц
 

Холбоотой мэдээ