Knight Frank байгууллагын шинээр гаргасан “Дэлхийн хөрөнгө чинээний тайлан 2015 он” судалгаагаар Лондон хот хамгийн чинээлэг буюу хэт өндөр өртөгтэй хотоор тодорсон байна. Дараа нь Нью-Йорк, Гонгконг хотууд багтжээ. Гэвч өнгөрсөн 12 сарын хугацаанд аз амжилт ээлжлэн солигдож, Ази дахь Гонгконг, Сингапурын байр урагшилсан аж. Сүүлийн арав гаруй жил чинээлэг хотуудын жагсаалтанд доогуур байсан Маяами нь энэ удаад дэлхийн супер баян, хамгийн чухал 40 хотын жагсаалтанд эрс дээшилжээ. 2015 оны байдлаар тус хот нь Парис, Дубай хотуудын өмнө орсон байна.

     Тус байгууллагын олон улсын судалгаа хариуцсан ахлах Лиам Бэйли мэдэгдэхдээ, Гонгконг нь дээрх чухал хотуудыг амжилтаараа манлайлахад тун дөхсөнийг онцолсон юм. Гонгконг нь Knight Frank-ийн тодруулсан дэлхийн шилдэг 10 хотын жагсаалтын дөрвөөс гурав руу дээшилсэн аж. Түүнчлэн Шанхайн тогтвортой өсөлт нь Азийн 4 хот дэлхийн шилдэг 10-ын жагсаалтад багтахад нөлөөлжээ. Энэ удаад Женевт аз таарсангүй, харин Цурихийн хүчирхэг байр суурь нь Европын хотуудад ихээхэн дэмжлэг болсон байна.

     Чинээлэг оршин суугчдын тоонд тулгуурлан гаргасан Knight Frank-ийн энэхүү судалгаа нь Лондон хотыг Дэлхийн хэт өндөр өртөгтэй хотуудын жагсаалтанд цор ганц, хамгийн эхний байранд хэвээр үлдсэнийг баталсан юм. Дараа нь Токио, Сингапур, Нью-Йорк хотууд оржээ. 10 жилийн үр дүн, ирээдүйн таамгаар Лондон нь өөрийн тэргүүний байр сууриа хадгалж, Сингапур нь Хэт өндөр орлоготой иргэдийнхээ 54 хувийн өсөлтөөр жагсаалтыг тэргүүлнэ гэж судлаачид үзсэн байна.

2024 он гэхэд хамгийн их өсөлт үзүүлэх 10 хотыг эрэмбэлвэл:
 

 

Хэт өндөр орлоготой хүн амын тоогоороо тэргүүлж буй 10 улс, тэдгээрийн тоог 2024 онтой харьцуулснаар: