Нийслэлийн ЗДТГ-аас “Зүүн хойд Азийн хотын дарга нарын форум”-ын хүрээнд “Хотын ногоон хөгжил” сэдэвчилсэн хуралдааныг 2015 оны 09 дүгээр сарын 21, 22-ны өдөр Улаанбаатар хотноо зохион байгуулах гэж байна.
Тус Форумд оролцогчид хоёр өдрийн турш  ногоон хөгжлийн талаар тусгай долоон сэдвээр хэлэлцэж, 20 гаруй илтгэл тавигдана. Энд бүс нутгийн хотууд Ногоон хөгжлийн бодлогын талаар харилцан туршлага солилцож, хамтарсан илгээлт гарган ирэх 12 дугаар сард Парис хотод болох НҮБ-ын чуулгад өргөн барихаар төлөвлөж байгаа юм.
Энэхүү чухал арга хэмжээний талаарх мэдээллийг Барилга.МН-ээс газар дээрээс нь  цаг алдалгүй шуурхай мэдээллэх болно.