Индонезийн Жакарта хотын иргэдэд зориулсан нэгэн шинэ бүтээн байгуулалтын ажлыг Роттердамын “MVRD”, Лос-Анжелесийн “The Jerde Partnership” Inc. Дублиний “ARUP” зэрэг олон улсын дизайны багийнхан хамтран гүйцэтгэхээр болжээ. Тус багийнхан Жакарта хотын төвд технологийн дэвшлийг харуулж, загвар хийцээрээ олны гайхашралыг төрүүлэх өвөрмөц цамхаг бүтээхээр зорьсон байна.

      Хотын зүрхэн тус, олны хөлийн газар байрлах “Перури 88” цамхаг нь 360,000 ам метр талбай бүхий 88 давхар барилга юм. “MVRD”, “The Jerde Partnership” нь тус барилгын архитектур дизайны шийдлийг хариуцаж, “ARUP” нь угсралтын инженерчлэлийн зөвлөхөөр ажиллажээ.

     “Перури 88” цамхагийг хамгийн сүүлийн үеийн дэвшилтэт технологиор, олон нийтийг цуглуулах хотын гол хэсэг болгон хөгжүүлэх зорилттойгоор байгуулсан аж. Тус цамхагт өндөр зэрэглэлийн тансаг орон сууц, зочид буудал, оффис, худалдаа, үзвэр үйлчилгээ бүхий цогцолборыг багтаасан байна.